पोखरा । पूर्वराजा ज्ञानेन्द्र शाह बहिनी र छोरीका साथ सोमबार स्याङ्जा पुगेका छन्। शाह पोखरादेखि आफै गाडी हाकेर स्याङ्जा पुगेका हुन् ।
केही समयदेखि पोखरामा बस्दै आएका शाह कालीगण्डकी गाउँपालिका वडा नं ३ स्थित शाहवंशीय कुलमन्दिर आलमदेवीको पूजाका लागि स्याङ्जा पुगेका हुन् ।
उनी मंगलबार बिहान कुलदेवता आलमदेवी मन्दिरमा रुद्रीपुजनसहितको पूजाअर्चनापछि उनी फर्किने बताइएको छ ।
स्रोतका अनुसार उनी आज गल्याङ पनि पुग्ने बताइएको छ ।
राष्ट्रिय प्रजातन्त्र दिवसको अवसरमा पूर्वराजा शाहले पोखराबाट दिएको भिडियो सन्देश अहिले चर्चामा छ ।
उनले आफ्नो परिवारको धैर्यतालाई कमजोर नआँक्न चेतावनी दिँदै आफूले शुरु गर्ने कदमलाई साथ दिन उनले आह्वान गरेका थिए ।
स्याङ्जामा उनका समर्थकले राजा आउ देश बचाउ भन्दै नाराबाजी गरेका थिए ।
