पोखरा । पूर्वाञ्चल सेवा समाज पोखराले आयोजना गरेको रक्तदान कार्यक्रममा ३३ युनिट रगत संकलन भएको छ ।
कार्यक्रम शुभारम्भ गर्दै झाँक्री प्रकाश भुजेलले रक्तदान जत्तिको महत्वपूर्ण दान अन्य कुनै नहुने बताए ।
उनले पूर्वाञ्चल सेवा समाजले पोखरामा रहेर धेरै राम्रो काम गरेको भन्दै प्रशंसा गरे ।
समाजका अध्यक्ष बालकुमार लुईंटेलले समाजले पोखरामा रहेका पूर्वाञ्चलवासीलाई समेट्ने, गोलबन्ध गर्ने प्रयास गरिरहेको बताए ।
रक्तदानलगायत थुप्रै सामाजिक कार्य गर्दै समाजलाई गतिशील ढंगले अघि बढिरहेको उनले स्पष्ट पारे ।
अध्यक्ष लुईंटेलको अध्यक्षतामा भएको कार्यक्रममा वरिष्ठ उपाध्यक्ष हरि जमरकट्टेलले स्वागत र सञ्चालन महासचिव मिलन दुलालले गरेका थिए ।
कार्यक्रममा प्रादेशिक रक्तसञ्चार केन्द्र पोखराले प्राविधिक सहयोग गरेको थियो ।
