गोरखा । गोरखामा बाटो खन्ने क्रममा ढुङ्गा खसेर लाग्दा स्काभेटर चालकको घटनास्थलमै मृत्यु भएको छ ।
मृत्यु हुनेमा तनुहँको आँबुखैरेनी गाउँपालिका वडा नं ६ का ४५ वर्षीय रामबहादुर आलेमगर छन् ।
गोरखाको अजिरकोट गाउँपालिका वडा नं १ चिस्याङमा बुधबार दिउँसो बाप्र०६-००१क०१३१ नम्बरको स्काभेटरले बाटो खन्दै गर्दा ढुङ्गा खसेर लाग्दा चालकको मुत्यु भएको जिल्ला प्रहरी कार्यालयका प्रहरी नायब उपरीक्षक (डीएसपी) इन्द्रप्रसाद सुवेदीले जानकारी दिए ।
कालिका हाइड्रोपावरको ड्याम जानका लागि नयाँ ट्र्याक खोल्ने क्रममा अचानक माथिबाट ठूलो ढुङ्गा खसेर स्काभेटर र चालकलाई लागेको थियो ।
