पोखरा । तेस्रो बेगनास कप सेभेन ए साइट फुटवल प्रतियोगिताको उपाधि मिक्की एफसीले जितेको छ ।
बिहीबार भएको फाइनल प्रतिस्पर्धामा विनोद मेमोरियललाई १-० को गोलले हराउँदै मिक्की एफसीले उपाधि जितेको हो ।
खेलको पहिलो हाफको अतिरिक्त एक मिनेटमा गोल गर्दै विनम गुरुङ मिक्की एफसीलाई उपाधि जिताउन सफल भए ।
विजेता मिक्कीले एक लाख २५ हजार पाँच सय ५५ र उपविजेता विनोद मेमोरियलले ५५ हजार पाँच सय ५५ रुपैयाँ नगद पुरस्कारको साथमा ट्रफी, मेडल र प्रमाणपत्र प्राप्त गरेको छ ।
प्रतियोगितामा एनके क्लबले अनुशासित, मिक्की एफसीका अमिर गुरुङ उत्कृष्ट खेलाडी, विनम गुरुङ सर्वाधिक गोलकर्ता र सञ्जय ठकुरी उत्कृष्ट गोल रक्षक घोषित भए ।
उनीहरुले जनही पाँच हजार रुपैयाँ नगद पुरस्कार प्राप्त गरे ।
कार्यक्रममा राष्ट्रिय फुटवल टोलिका कप्तान किरण चेमजोङले बेगनास सुन्दर पर्यटकीय स्थल भएको र यससँगै खेलकुदको पनि प्रशस्त सम्भावना रहेको बताए ।
