पोखरा । पोखरामा रहेका पर्वतको बिहादी गाउँपालिका वडा नं २ बराचौरवासी संगठित भएका छन् । उनीहरुले पोखरामा भेला आयोजना गरी बराचौर-पोखरा सम्पर्क समिति गठन गरेका छन् । भेलाले प्रदीप पराजुलीलाई समितिको अध्यक्षमा चयन गरेको छ ।
समितिको उपाध्यक्षमा थमनसिंह गुरुङ र पार्वती पुरी गिरी, सचिवमा नेत्र पराजुली, सहसचिवमा कमला पुरी, कोषाध्यक्षमा शारदा पराजुली छन् ।
संस्थाको कार्यसमिति सदस्यमा मंगला शर्मा, कृष्ण गुरुङ, सावित्रा शर्मा, विक्की बसेल छन । समितिको सल्लाहकारमा लक्ष्मी पराजुली, बिष्णु पुरी र वेद पौडेल छन ।
अध्यक्षमा चयन भएका पराजुली पोखरामा रहेर शैक्षिक एवं सामाजिक क्षेत्रमा सक्रिय व्यक्तित्व हुन् । उनी थ्री स्टार टिचर एजुकेशन सेन्टरका म्यानेजर, इसीइसी कार्यक्रम गण्डकी प्रदेशको निर्देशक तथा नीति एकेडेमीका सल्लाहकार हुन् । पराजुली विशेषगरी मोटिभेसनल स्पीकर (प्रेरक वक्ता) का रुपमा परिचित छन् ।
अध्यक्षमा चयन भएपछि पराजुलीले बराचौरवासीको हरेक दुःख, सुख साथ दिने सबैलाई एकताबद्ध बनाउन प्रयास गर्ने बताएका छन् । साथै बराचौरको विकासमा पनि भूमिका खेल्ने गरी समितिलाई अघि बढाउने उनले प्रतिवद्धता जनाएका छन् । समाजलाई संस्थागत र वैधानिक रूप दिने योजना पराजुलीको छ । समितिलाई औपचारिक रूपमा दर्ता गरी नीति तथा वैधानिक संरचनाको विकास गरिने उनले बताए ।
आगामी दिनमा यस समाजलाई संस्थागत गर्दै विविध कार्यक्रम सञ्चालन गर्ने, पोखरामा बसोबास गर्ने बराचौरबासीका चुनौती समाधान गर्ने र सामाजिक अभियानमा संलग्न हुने उनको योजना छ ।
कुनै पनि व्यक्तिगत प्रभाव वा स्वार्थबिना पूर्ण पारदर्शिताका साथ समाजलाई अघि बढाउने उनको प्रतिबद्धता छ । उनले भने, ‘समयले जहाँ लगे पनि जन्मथलोप्रतिको माया कहिल्यै मर्ने रहेनछ ।’
अध्यक्ष पराजुलीले पोखरामा रहेका सबै बराचौरवासीलाई एउटै मञ्चमा ल्याई सहयोग, सहकार्य र भाइचारा मजबुत बनाउन पूर्ण समर्पित रहने स्पष्ट पारे ।
समाजको सशक्तीकरणका लागि आवश्यक कोष संकलन गर्दै सामाजिक कार्य सञ्चालन गर्ने योजनासमेत उनको छ ।
