पोखरा । पोखराका फोटो पत्रकार प्रेम थापालाई मातृशोक परेको छ । उनकी ममतामयी माता मीना थापाको ५२ वर्षको उमेरमै बुधबार दिउँसो निधन भएको हो । स्व. बुधबार नै अन्त्येष्टि गरिएको छ ।
यसैबीच राष्ट्रिय फोटो पत्रकार समूह कास्की शाखाले मीना थापाको निधनप्रति दुःख व्यक्त गरेको छ ।
समूहका अध्यक्ष योगेन्द्र श्रेष्ठले विज्ञप्ति प्रकाशित गरी थापाको निधनप्रति दुःख व्यक्त गरेका हुन् ।
‘राष्ट्रिय फोटो पत्रकार समूह जिल्ला शाखा कास्कीका सचिव प्रेम थापाकी ममतामयी माता मीना थापाको मिति २०८१ साल फागुन २८ गते बुधबार ५२ वर्षको उमेरमा असामयिक स्वर्गारोहण भएकोमा हामी सबै स्तब्ध भएका छाैँ, यस दुःखद घडीमा दिवंगत आत्माको चिरशान्तिको कामना एवं भावपूर्ण श्रद्धाञ्जली अर्पण गर्दै शोकसन्तप्त परिवारजनमा धैर्यधारण गर्ने शक्ति प्राप्त होस भन्ने कामनासहित गहिरो समवेदना प्रकट गर्दछौं’, विज्ञप्तिमा भनिएको छ ।
यसैगरी राष्ट्रिय फोटो पत्रकार समूह केन्द्रीय समिति महासचिव घनश्याम श्रेष्ठले पनि विज्ञप्ति प्रकाशित गरी थापाको निधनप्रति दुःख व्यक्त गरेका छन् ।
यसैगरी फोटो पत्रकार संघ कास्कीका सचिव धनबहादुर गुरुङले पनि शोक विज्ञप्ति प्रकाशित गरी थापाको निधनप्रति दुःख व्यक्त गरेका छन् ।
