पोखरा । तनहुँमा वरिष्ठ प्रहरी हवल्दार ४३ वर्षीय ओमबहादुर विक मृतावस्थामा फेला परेका छन् । ऋषिङ प्रहरी चौकीमा कार्यरत विक रुपन्देही निवासी हुन् ।
उनी सोमबार बिहान चौकी नजिकैको बेलौतीको रुखमा झुण्डिएको अवस्थामा मृत फेला परेका हुन् ।
उनी लामो समयदेखि मानिसक रूपमा बिरामी रहेको पाइएको जिल्ला प्रहरी कार्यालयका प्रहरी नायब उपरीक्षक अशोक थापाले जानकारी दिए ।
घटनाका सम्बन्धमा थप अनुसन्धान भइरहेको डीएसपी थापाले जानकारी दिए । विकको शव पोष्टमार्टमका लागि दमौली अस्पतालमा राखिएको छ ।
