पोखरा । सुख्खा पहिरो खसेपछि बेशीसहर-मनाङ सडकखण्ड पूर्णरुपमा अवरुद्ध भएको छ ।
लमजुङको मस्र्याङ्दी गाउँपालिका वडा नं ४ बस कटिङमा आज दिउँसो कबि १२ बजे सडक माथिबाट सुख्खा पहिरो खसेसँगै सडक अवरुद्ध भएको प्रहरीले जनाएको छ ।
पहिलो निकै ठूलो भएकाले पन्छाएर सडक सञ्चालन गर्न समय लाग्ने देखिएको अस्थायी प्रहरी पोष्ट जगतका प्रहरी हवल्दार मनोज थापाले जानकारी दिए ।
दुई वटा जेसीबीले पहिरो पन्छाउन शुरु गरेको र साँझ ५ बजेसम्ममा पहिरो पन्छाउन सकिने उनले बताए ।
अहिले दुवैतर्फ सवारी लाम लागेको उनले बताए । पहिरो खसेको स्थान लमजुङ वेशीसहरबाट करिब ३३ किमि टाढा छ ।
