पोखरा । बाँकेमा पानी बोक्ने ट्यांकरको ठक्करबाट दाजुभाइको ज्यान गएको छ । मृत्यु हुनेमा बाँकेको डडुवा गाउँपालिका वडा नं २ का सहोदर दाजुभाइ नौ वर्षीय शिवकुमार गोडिया र सात वर्षीय विशाल गोडिया छन् ।
आइतबार दिउँसो करिब ४ः३० बजे दाजुभाइ स्कुलबाट साइकलमा घर फर्कँर्दै गर्दा नारायणी निर्माण सेवाको भे१ख ४१०७ नम्बरको पानी बोक्ने ट्यांकरले ठक्कर दिँदा उनीहरुको घटनास्थलमै मृत्यु भएको प्रहरीले जनाएको छ । उनीहरू बेतहनीस्थित नौरीगढी एकेडेमीमा अध्ययनरत थिए ।
लकहरुको मृत्यु भएपछि स्थिति तनावग्रस्त बनेको थियो । आक्रोशित स्थानीयले ठक्कर दिने पानी ट्यांकर जलाइदिएका थिए । प्रहरी चौकीमा समेत ढुंगामुढा प्रहार भएको थियो ।
मोटरसाइकल समेत जलाइएको थियो । प्रहरीले भीडलाई नियन्त्रणमा लिन हवाई फायर समेत गर्नु परेको थियो ।
यसैबीच घटनाका सम्बन्धमा सहमति जुटेपछि आज परिवारले शव बुझेका छन् । पीडित परिवारलाई क्षतिपूर्ति दिने र कानुन बमोजिम कारबाही हुने सहमति भएपछि आफन्तले शव बुझेको प्रहरीको भनाइ छ ।
