पोखरा । पोखरास्थित पृथ्वीनारायण क्याम्पसमा आइतबार भएको स्ववियु निर्वाचनको मतगणना जारी छ । जारी मतगणनामा अनेरास्ववियुका विष्णु पोखरेल निकै अगाडि छन् ।
तीन सय मतगणना हुँदा पोखरेलले एक सय २८ मत प्राप्त गरेका छन् । उनलाई नेविसंघका नेविसंघका सुशिल न्यौपानेले पच्छ्याइरहेका छन् । न्यौपानेले ६२ मत पाएका छन् ।
यस्तै अखिल क्रान्तिकारीका नवीन अधिकारीले २८ मत प्राप्त गर्दा संयुक्त प्यानलका सन्तोष पौडेलले २० मत पाएका छन् ।
प्राज्ञिक विद्यार्थी परिषदका दिप्सन गुरुङले १० मत, अखिल छैटौँका मीलन सुनारले दुई मत प्राप्त गरेका छन् ।
यस्तै स्वतन्त्र उम्मेद्वार विप्लवी न्यौपानेले ३८ मत प्राप्त गर्दा कमल सुवेदीले १२ मत पाएका छन् ।
क्याम्पसमा नौ हजार दुई सय ७० विद्यार्थी रहेकामा दुई हजार आठ सय ९७ मतदानमा सहभागी भए ।
राष्ट्रिय स्तरमै चर्चामा रहेको पृथ्वीनारायण क्याम्पसमा २०६५ सालपछि बल्ल स्ववियु निर्वाचन भएको हो ।
