पोखरा । पोखरा महानगरपालिका वडा नं १५ स्थित रेन्बो एकेडेमिक होम्स आवासीय माविले युकेजीमा अध्ययनरत ९२ जना विद्यार्थीलाई दीक्षित गरेको छ । विद्यालयले शुक्रबार एक कार्यक्रम आयोजना गरी उनीहरुलाई दीक्षित गरेको हो ।
विद्यालय व्यवस्थापन समिति अध्यक्ष सुशीलराज पराजुली, प्राचार्य बाबुराम बराल, संस्थापकद्वय खेमनारायण ढकाल र कृष्णप्रसाद ढकालले विद्यार्थीलाई दीक्षित गरेका थिए ।
कार्यक्रममा अध्यक्ष पराजुलीले सिक्ने र सिकाउने थलो विद्यालय भएकाले आफूहरुले सोही प्रकारको वातावरण सिर्जना गरेको बताए ।
प्राचार्य बरालले विद्यालयको समग्र गतिविधिमाथि प्रकाश पार्दै विद्यार्थीको हौसला बढाउन पहिलो पटक दिक्षान्त समारोह आयोजना गरिएको बताए ।
विद्यालयका संस्थापक कृष्णप्रसाद ढकालले विद्यालयको प्रगतिप्रति आफू निकै उत्साहित भएको बताए ।
विद्यालयका अभिभावक सुनिता कंडेलले रेन्बो एकेडेमिक होम्स उत्कृष्ट विद्यालय भएकोमा खुशी लागेको भन्दै विद्यार्थीलाई व्यवहारिक शिक्षा पनि दिनुपर्ने खाँचो औंल्याइन् ।
संस्थापक खेमनारायण ढकालको अध्यक्षतामा भएको कार्यक्रममा स्वागत शिक्षिका कामना थापाले स्वागत र सञ्चालन सुष्मा गुरुङले गरेकी थिइन् ।
२०५२ सालमा स्थापित विद्यालयमा हाल करिब एक हजार पाँच सय विद्यार्थी अध्ययनरत छन् । विद्यालयमा कक्षा ११ र १२ मा व्यवस्थापन संकायको पढाई हुँदै आएको छ ।
