पोखरा । पाल्पाली समाज पोखराको अध्यक्षमा श्रीधर पराजुली निर्वाचित भएका छन् । समाजको २२औँ वार्षिक साधारणसभा तथा १२औँ अधिवेशनले पराजुलीलाई सर्वसम्मत अध्यक्षमा निर्वाचित गरेको हो ।
समितिको वरिष्ठ उपाध्यक्ष केशव नेपाल, उपाध्यक्षमा अनुपमान कर्माचार्य, सचिवमा पदमप्रसाद पोखरेल, सहसचिवमा किरण पाण्डे र कोषाध्यक्ष सुनील अर्याल सर्वसम्मत निर्वाचित भए ।
यस्तै, कार्यसमिति सदस्यमा धनबहादुर झेंडी, गिरिराज पोखरेल, कृष्णप्रसाद मिश्र, भुवन लोहनी, बुद्धिप्रसाद न्यौपाने, सीमादेवी सारु र निर्मला विक छन् ।
साधाणसभामा समाजका सल्लाहकार समिति संयोजक जनपुकार मुनकर्मी, पूर्वअध्यक्ष एवं सल्लाहकार नारायणप्रसाद पौडेल र निवर्तमान अध्यक्ष रेशम रचक थापालाई सम्मान गरिएको छ ।
कार्यक्रम उद्घाटन गर्दै उद्योगपति तथा पूर्वमन्त्री हरिसाद पाण्डेले मातृसेवा प्रतिष्ठानमार्फत शैक्षिक छात्रवृत्तिको लागि समाजसँग सहकार्य गरेको बताए ।
कार्यक्रममा पाल्पाली संगम काठमाडौंका उपाध्यक्ष केशव आचार्य, अर्घाखाँची सम्पर्क समाज पोखराका अध्यक्ष दधीराम खनाल, पाल्पाली समाज पोखराका पूर्वअध्यक्ष एवं पाल्पाली बहुउद्देश्यीय सहकारी संस्थाका अध्यक्ष चिरञ्जीवी श्रेष्ठ, सल्लाहकार समिति संयोजक जनपुकार मुनकर्मी, पूर्वअध्यक्ष एवं सल्लाहकार नारायणप्रसाद पौडेल, निवर्तमान अध्यक्ष रेशम थापा रचक, पूर्वअध्यक्ष जगदीश गौतम, पूर्वअध्यक्ष कुलप्रसाद घिमिरे, प्रथम उपाध्यक्ष श्रीधर पराजुली, महासचिव सञ्जय आत्रेयलगायतले बोलेका थिए ।
कार्यक्रम अध्यक्ष बालचन्द्र परियारको अध्यक्षतामा भएको थियो ।
