पोखरा । तनहुँको दमौलीस्थित मादी नदीको पुलबाट गएराति पाँच जना सवार जीप खस्दा तीन जनाको ज्यान गएको छ ।
दमौलीबाट चापाघाटतर्फ जाँदै गरेको ग२च ५७६० नम्बरको जीप पुलको रेलिङ भत्काएर नदीमा खसेको हो ।
दुर्घटनामा मृत्यु हुनेमा व्यास नगरपालिका वडा नं ५ का कुशल मगर, प्रविन मगर र कुमार मगर छन् ।
सोही दुर्घटनामा चालक रोहित गुट्टा र धिरज रौनिहार घाइते भएकामा धिरजलाई थप उपचारका लागि पोखरा ल्याइएको छ ।
चालक रोहितको दमौली अस्पतालमा उपचार भइरहेको प्रहरीले जनाएको छ ।
दुर्घटनाको कारण खुल्न सकेको छैन । यस विषयमा अनुसन्धान भइरहेको प्रहरीले जनाएको छ ।
