पोखरा । घोराही उपमहानगरपालिकाका प्रमुख नरुलाल चौधरीले छोटो दुरीमा धेरै पर्यटकीय स्थलको अवलोकन गर्न पाइने र आनन्दको अनुभव गर्न पाइने पोखरा एक अनुपम स्थल रहेको चर्चा गरेका छन् ।
पृथ्वी होटल व्यवसायी समितिले प्राकृतिक ‘पोखरा जाऊँ प्रकृतिसँग रमाऔं, पोखरा भ्रमण वर्ष २०२५ सफल पारौं’ भन्ने नारासहित घोराही आइपुगेको टोलीलाई स्वागत गर्दै उनले यस्तो चर्चा गरेका हुन् ।
पर्यकटन क्षेत्र देशको आर्थिक मेरुदण्ड रहेको बताएका उनले पोखरा यसको मुख्य केन्द्र रहेकोमा दुईमत नरहेको धारणा राखे । सरसफाई, व्यवसायिक वातावरण तयार पार्ने कूरामा पोखरा महानगर र व्यवसायीको सहकार्य उदाहरणीय रहेको उनले बताए ।
उनले अहिले सकारात्मक धारणाको कमि रहेको भन्दै सकारात्मका पक्षलाई हेरेर आगडि बढ्नुपर्ने धारण राखे । पर्यटन भनेकै राम्रा कुराको प्रचार गर्ने विषय भएकाले त्यही अनुरुप सकारात्मक भएर अघि बढ्न उनले आग्रह गरे ।
प्रमुख चौधरीले जसले घर बहालमा लगाउँछ उसैले बहाल कर तिर्नुपर्नेमा दुईमत नरहेको उल्लेख गरे । पहिले व्यवसाय राम्रो हुँदा व्यवसायीले घरबहाल तिरे पनि अहिले व्यवसायी समस्यामा रहँदा कानून अनुरुप घरधनीले नै तिर्नुपर्ने उनले प्रष्ट पारे ।
घोराही उपमहानगरपालिका भित्र पनि धेरै पर्यटकीय स्थल रहेका चर्चा गरेका उनले एउटा सडकलाई हप्तामा एक पटक फुड फेष्टिबल मनाउने मोडेलमा जाने सोच बनाएको जानकारी दिए ।
उनले पोखरा आएका पर्यटकलाई दाङ र दाङ आएका पर्यटकलाई पोखरा पठाउने वातावरण बनाउन व्यवसायी व्यवसायीका बीचमा सहकार्य गर्न उनले आग्रह गरे । त्यसका लागि वातावरण बनाउन आफूहरु तयार रहेको उनको भनाई थियो ।
पृथ्वी होटल व्यवसायी समिति अध्यक्ष अम्बिका घिमिरे (अमृत)ले पोखरा महानगरपालिकाले देशकै पर्यटकीय राजधानी पोखरालाई पोखरा भ्रमण वर्ष २०२५ घोषणा गरिएकाले उत्साहित हुँदै प्रवर्द्धनात्मक कार्यक्रम लिएर आएको जानकारी दिए ।
उनले खाना तथा आवासमा २० प्रतिशत छुट, सहासिक खेल (बञ्जीजम्प, प्याराग्लाइडिङ, जिपफ्लाइङ) मा १० प्रतिशत छुटलागायतका प्याकेज घोषणा गरिएको बताए ।
दाङ देउखुरी होटल व्यवसायी समिति सल्लाहकार ओविन्द्रबहादु महराले पोखरा प्राकृतिकसहित धेरै हिसावले उत्कृष्ठ रहेकाले मौका मिल्नासाथ पोखरा जाउँ जाउँ हुने चर्चा गरेका उनले पोखरामा अब भारतीय र चीनबाट कसरी पर्यटक भित्र्याउन सकिन्छ भनेर बहस चलाउनुपर्ने धारण राखे ।
दाङ देउखुरी होटल व्यवसायी समित अध्यक्ष इश्वरकुमार बुढामगरले पोखरा विश्वकै अग्लो त्रिशुल रहेको र अन्य पर्यटकीय प्रोडक्ट रहेको जानकारी दिए ।
उनले पोखराको व्यवसायीको आगमनले पर्यटन क्षेत्रमा उत्साह छाएको आफूले महसुस गरेको उल्लेख गरे । उनले पोखरा र दाङका व्यवसायी मिलेर अगाडि बढ्ने प्रतिवद्धता जनाए ।
आफूहरुको क्षेत्रमा दर्जनौं जलासय क्षेत्र रहेको बताएका उनले यी जलासयले धेरै नै विकासको आधार खडा गरेको उल्लेख गरे ।
पृथ्वी होटल व्यवसायी समिति निवर्तमान अध्यक्ष बालकृष्ण न्युरेले पर्यटन प्रवर्द्धनात्मक कार्यक्रमको बारेमा जानकारी दिए ।
उनले घरधनीले घरबहाल कर तिनुपर्नेमा व्यवसायीले नै घरबहाल कर तिर्नुपरेको र ठाउँ फरक भए पनि व्यवसायीका समस्या भने साझा रहेको उनले बताए ।
कार्यक्रममा दाङ देउखुरी होटल व्यवसायी समिति वरिष्ठ उपाध्यक्ष खड्गसिंह पुनमगर र सचिव श्यामकुमार विकले पनि बोलेका थिए ।
सोमबार बिहान पोखराबाट देशका पश्चिम भागमा आन्तरिक पर्यटक बोलाउन निस्केको टोलीले सोमबार नै लमही होटल व्यसायी समिति र कपिलवस्तुका होटल व्यवसायीसँग छलफल गरेको थियो ।
होटल व्यवसायी महासंघका केन्द्रीय सदस्य सुनिता पन्तका अनुसार मंगलबार बिहान देउखुरीका होटल व्यवसायीसँग अन्तरक्रिया गरेको टोली अब कोहलपुर, नेपालगञ्ज, गुलरीय, धनगढी, अत्तरिया, महेन्द्र नगर, चिसापानी र स्वर्गद्वारी पुगरे पोखरा फर्कनेछ ।
