पोखरा । कास्कीको रोहीगाऊँ सेतीखोलास्थित नारायणी आधारभूत विद्यालयलाई समाजसेवी केशबहादुर गुरूङले कम्प्युटर सहयोग गरेका छन् ।
एक कार्यक्रमका बीच विद्यालयका व्यवस्थापन समिति अध्यक्ष सुरेन्द्रजंग क्षेत्रीलाई समाजसेवी गुरुङले कम्प्युटर हस्तान्तरण गरेका हुन् ।
बालबालिकालाई कम्प्युटरसम्बन्धी ज्ञान दिलाउन र अभिभावकलाई पनि प्रशिक्षण दिन आफूले कम्प्युटर सहयोग गरेको समाजसेवी गुरुङले बताए ।
अभिभावकलाई सामाजिक सञ्जाल चलाउन र आफ्नो बैंकिङको कारोबार गर्न सहजीकरण हुने उनको विश्वास छ ।
विद्यालय व्यवस्थापन समिति अध्यक्ष क्षेत्रीले कम्प्युटर विद्यालयका लागि निकै महत्वपूर्ण हुने भन्दै समाजसेवी गुरुङप्रति आभार प्रकट गरे ।
कास्कीको मादी गाउँपालिका वडा नं २ ताङतिङ निवासी समाजसेवी गुरुङ हाल बेलायतमा बसोबास गर्र्दै आएका छन् ।
उनी हिमालय मिलन माध्यमिक विद्यालयका पूर्वशिक्षक पनि हुन् । बौद्धिक व्यक्तित्वका रुपमा परिचित गुरुङ ताङतिङ समाज बेलायतको पूर्वअध्यक्ष, भूपू ब्रिटिश गोर्खा संघको वर्तमान अध्यक्ष हुन् ।
साथै उनी बेलायतबाट नेपाली कांग्रेसका महाधिवेशन प्रतिनिधिसमेत हुन् ।
