पोखरा । एवन ग्रेटर नेपाल यातायात प्रालिले सार्वजनिक यातायात बचाउ महाअभियानमा सघाउन अपिल गरेको छ । संस्थाका अध्यक्ष अर्जुन पौडेलले बुधबार एक अपिल सार्वजनिक गर्दै यस्तो आग्रह गरेका हुन् ।
राइड सेयरिङलाई मान्यता दिनेगरी गण्डकी प्रदेश सरकारले ल्याएको नियमावलीको विरोधमा आफ्ना सवारी साधन ग्यारेजमा या घरमै थन्क्याएर आन्दोलनमा साथ दिन अध्यक्ष पौडेलले आग्रह गरे ।
गण्डकी प्रदेश सरकारले संघीय कानूनको बर्खिलाप हुने गरी गण्डकी प्रदेश सरकारले राइड सेयरिङलाई मान्यता दिने निर्णय गरेको आरोप लगाए ।
अध्यक्ष पौडेलका अनुसार गण्डकी प्रदेशमा जेठ १६ र केन्द्रीय कार्यक्रमअनुसार जेठ १९ देखि देशभर यातायात सेवा ठप्प हुनेछ ।
यता, सार्वजनिक यातायात बचाउ संघर्ष समितिले समेत तीन बुँदे माग अघि सारेर आन्दोलनमा उत्रिने चेतावनी दिएको छ ।
समितिको तीन बुँदे मागमा सरकारले ल्याएको नियमावली पूर्ण रूपमा खारेज हुनुपर्ने, सार्वजनिक सवारी संचालन विधि, आयात नीतिलगायत सम्बन्धमा प्रदेश सरकारको लिखित नीति ठोस हुनुपर्ने र सार्वजनिक यातायात क्षेत्रमा योगदानमा आधारित सामाजिक सुरक्षा कोष अनिवार्य लागू गर्नुपर्ने छ ।
गण्डकी प्रदेश सरकारले गत जेठ १ मा राइड सेयरिङ (नियमन र व्यवस्थापन) नियमावली २०८२ प्रदेश राजपत्रमा प्रकाशित गरेको थियो ।
यस्तो छ अपिल
