पोखरा । कोलाबरेटिभ एजुकेशनल पार्टनरसिप अफ स्कुल्स (सिइपिएस) कास्कीको आयोजनामा उत्प्रेरणामूलक कार्यक्रम सम्पन्न भएको छ ।
कार्यक्रममा संस्थामा आवद्ध १९ विद्यालयका कक्षा ८ मा अध्ययनरत करिब सात सय विद्यार्थी सहभागी थिए । उनीहरुलाई उत्प्रेरक वक्ता डा. रविन कटवालले प्रशिक्षण दिएका थिए ।
माध्यमिक तहसम्मको शिक्षा स्थानीय भएको र कक्षा ८ को स्थानीय सरकारले लिने भएको हुँदा त्यसैलाई ध्यानमा राखेर कार्यक्रम आयोजना गरिएको संस्थाका अध्यक्ष डा. टेकनारायण पौडेलले जानकारी दिए ।
कार्यक्रम विद्यार्थीका लागि महत्वपूर्ण सिकाई हुने अध्यक्ष पौडेलको विश्वास छ ।
कार्यक्रम संयोजक दिवाकर जैशीले ’विद्यार्थीलाई कसरी नयाँ कुरा सिकाएर व्यवहारिक बनाउन सकिन्छ’ भन्ने उद्देश्यले कार्यक्रम आयोजना गरिएको बताए ।
आगामी दिनमा ९ र १० कक्षाका विद्यार्थीलाई पनि यस प्रकारको प्रशिक्षण दिइने उनले बताए । तालिमले विद्यार्थीलाई केही न केही नयाँ ज्ञान दिलाउने उनको दावी छ ।
सिइपिएसका अंग्रेजी संयोजक कृष्ण लम्सालले विगतमा पनि महत्वपूर्ण काम गर्दै आएको र भविष्यमा पनि यस्तै रचनात्मक कार्यक्रम अघि बढाइने बताए ।
