पोखरा । धादिङमा आइतबार सवारी दुर्घटना हुँदा तनहुँका एक जनाको ज्यान गएको छ । मृत्यु हुनेमा तनहुँका ५७ वर्षीय रामचन्द्र रानाभाट छन् ।
दुर्घटनामा गम्भीर घाइते भएका उनको ट्रमा सेन्टर काठमाडौँमा उपचारको क्रममा मृत्यु भएको प्रहरीले जनाएको छ ।
गजुरी गाउँपालिका वडा नं ६ स्थित सडकमा बा७०प ३२९७ नम्बरको मोटरसाइकल र बाप्र३-०२-३७ प ७६९२ नम्बरको मोटरसाइकल एकापसमा ठक्कर खाई दुर्घटना भएको हो ।
मृतक रानाभाट बा७०प ३२९७ नम्बरको मोटरसाइकलका चालक हुन् ।
बाप्र३-०२-३७ प ७६९२ नम्बरको मोटरसाइकल चालकलाई नियन्त्रणमा लिएर अनुसन्धान गरिरहेको प्रहरीले जनाएको छ ।
