पोखरा । सिरिया र बेलायतले शनिवार आधिकारिक रूपमा कुटनीतिक सम्बन्ध नविकरण गरेका छन् ।
बेलायती विदेश सचिव डेभिड लामीको दमास्कस भ्रमणको अवसरमा यो घोषणा गर्नुभएको हो ।
सिरियाका विदेश मामिला अधिकारीहरूले एक विज्ञप्तिमा भ्रमणको क्रममा बेलायती अधिकारीले सिरियाली विदेश मामिला प्रमुख असाद अल–शिबानीलाई लण्डन भ्रमणको लागि औपचारिक निमन्त्रणा दिनुभयो ।
दुई पक्षले लण्डनमा सिरियाली दुतावास पुनः खोल्ने र सिरियाली–ब्रिटिश आर्थिक परिषद् स्थापना गर्ने काम गर्ने सम्झौतामा पुगेको बताएका छन् ।
लामीले सिरियाको कृषि र शिक्षा क्षेत्रलाई सहयोग गर्ने बेलायतको प्रतिवद्धतालाई पुष्टि गर्नुभयो ।
बेलायती सरकारकाअनुसार लामीको भ्रमणले सिरियाको अर्थतन्त्रको पुनर्निर्माण र समावेशी राजनीतिक संक्रमण सुनिश्चित गर्न बेलायतको सिरियालाई सहयोग गर्ने मनशायलाई जोड दिन्छ ।
भ्रमणको क्रममा लामीले मानवीय राहत प्रदान गर्न, सिरिया भित्र शिक्षा र जीविकोपार्जनलाई समर्थन गर्न र सिरियाली शरणार्थीहरूलाई आश्रय दिने देशहरूलाई सहयोग गर्न ९४.५ मिलियन युरो (१११.३ मिलियन अमेरिकी डलर) सहायता प्याकेजको घोषणा गर्नुभयो ।
बेलायती विदेश सचिवले क्षेत्रीय र घरेलु सुरक्षा दुवैलाई सुदृढ पार्ने र अनियमित बसाइँसराइलाई सम्बोधन गर्ने आफ्नो देशको लक्ष्य दोहो¥याउनु भयो ।
लामीले सिरियाका अन्तरिम नेता अहमद अल–शारासँग पनि भेटघाट गर्नुभयो ।
