पाेखरा । घानामा भएको सैन्य हेलिकप्टर दुर्घटनामा ८ जनाको मृत्यु भएको छ ।
मृतकहरूमा रक्षामन्त्री एडवर्ड ओमाने बोमाह र वातावरण, विज्ञान तथा प्रविधिमन्त्री इब्राहिम मुर्तला मुहम्मद पनि समावेश छन् । यसमा अन्य तीन अधिकारी र तीन वायुसेना कर्मचारी पनि सामेल छन् ।
घाना सशस्त्र बलका अनुसार,हेलिकप्टर राजधानी आक्राबाट ओबुआसीको लागि प्रस्थान गरेको थियो, तर राडारसँग सम्पर्क विच्छेद भएको थियो । घानाका राष्ट्रपति र सरकारले समवेदना व्यक्त गरेका छन् ।
राज्य मिडियाका अनुसार, दुर्घटनाग्रस्त हेलिकप्टर एक उपयोगिता हेलिकप्टर थियो । जुन सामान्यतया यातायात र चिकित्सा निकासीको लागि प्रयोग गरिन्छ ।
दुर्घटना दक्षिणी आशान्ती भनिने ठाउँमा भएको थियो । बुधबारको दुर्घटनालाई एक दशकभन्दा बढी समयको घानाको सबैभन्दा खराब विमान दुर्घटना मध्ये एक मानिएको छ ।
