सेशेल्समा राष्ट्रपति र व्यवस्थापिकाको चुनाव शुरु भएको छ । ७७ हजार भन्दा बढी मतदाताहरूले राष्ट्रपति र राष्ट्रिय सभाका सदस्यहरू दुवै छनौट गर्न शनिवारसम्म चल्ने चुनावमा बिहीवारबाट आफ्नो मतदान शुरु गरेका थिए । ११५ टापुहरू मिलेर बनेको हिन्द महासागर द्वीपसमूहले बिहीवार बाहिरी टापुहरूका बासिन्दाहरू र आवश्यक कामदारहरूका लागि मतदान शुरु गरेको थियो । जबकि तीन मुख्य टापुहरूमा मतदान केन्द्रहरू शनिवार खुल्ने तालिका छ ।
आठ उम्मेदवारहरू राष्ट्रपति पदमा प्रतिष्पर्धा गरिरहेका छन् । जसमा सेचेलोइस डेमोक्रेटिक एलायन्स (लिन्योन डेमोक्रेटिक सेसेल्वा – एलडीएस) का वर्तमान राष्ट्रपति वाभेल रामकलावान पनि समावेश छन्, जो पुनः चुनाव खोजिरहेका छन् । उनका मुख्य प्रतिद्वन्द्वी देशको सबैभन्दा ठूलो विपक्षी दल संयुक्त सेशेल्सका प्याट्रिक हर्मिनी हुन् । सेशेल्सको संविधान अन्तर्गत राष्ट्रपतिको कार्यकाल पाँच वर्षको हुन्छ । पहिलो चरणमा आधाभन्दा बढी मत प्राप्त गर्ने उम्मेदवारलाई विजेता घोषित गरिन्छ ।
यदि कुनैपनि उम्मेदवारले बहुमत प्राप्त गर्न सकेन भने दुई प्रमुख दावेदारहरू दोस्रो चरणको मतदानमा अगाडि बढ्नेछन् । साथै सेचेलोइसका मतदाताहरूले राष्ट्रिय सभाका सदस्यहरू पनि निर्वाचित गरिरहेका छन् । जुन एक सदनात्मक व्यवस्थापिका हो । जसले पाँच वर्षको कार्यकाल पूरा गर्दछ । सभामा ३५ सदस्यहरूसम्म हुन्छन् । जसमध्ये २६ जना प्रत्यक्ष रूपमा निर्वाचन क्षेत्रहरूको प्रतिनिधित्व गर्न निर्वाचित हुन्छन् । नौ जना समानुपातिक प्रतिनिधित्वमार्फत छानिएका हुन्छन् ।
