प्रा.डा. बुद्धिबहादुर थापा एफआईसीपी उपाधिबाट सम्मानित

फेवा सिटी अस्पताल प्रा.लि.का संस्थापक अध्यक्ष तथा वरिष्ठ कन्सल्टेन्ट फिजिसियन प्रा.डा. बुद्धिबहादुर थापा प्रतिष्ठित अन्तर्राष्ट्रिय उपाधि एफआईसीपी (Fellow of Indian College of Physicians) बाट सम्मानित हुनुभएको छ ।
भारतमा कार्यरत फिजिसियनहरूको छाता संस्था एसोसिएसन अफ फिजिसियन अफ इन्डिया (API) द्वारा आयोजित अन्तर्राष्ट्रिय सम्मेलनको अवसरमा प्रा.डा. थापालाई उक्त उपाधि प्रदान गरिएको हो । चिकित्सा क्षेत्रमा पुर्‍याउनुभएको दीर्घकालीन, उल्लेखनीय तथा प्रभावशाली योगदानको कदरस्वरूप उहाँलाई एफआईसीपी उपाधिबाट विभूषित गरिएको संस्थाले जनाएको छ ।
प्रा.डा. थापाको यस विशिष्ट उपलब्धिले फेवा सिटी अस्पताल परिवार मात्र नभई समग्र चिकित्सा क्षेत्रलाई गौरवान्वित बनाएको छ । उहाँको समर्पण, अनुभव र सेवाभावले समाज तथा राष्ट्रको स्वास्थ्य क्षेत्रमा सकारात्मक प्रभाव पार्दै आएको अस्पतालको भनाइ छ ।
फेवा सिटी अस्पताल प्रा.लि. परिवारले प्रा.डा. बुद्धिबहादुर थापाको सुस्वास्थ्य, दीर्घायु तथा आगामी दिनहरूमा अझ प्रभावकारी सेवामार्फत समाज र राष्ट्रलाई निरन्तर योगदान दिन सकून् भन्ने कामना व्यक्त गरेको छ