खरा । जिल्ला प्रहरी कार्यालय कास्कीले लागूऔषध ब्राउन सुगरसहित एक महिलालाई पक्राउ गरेको छ।
प्रहरीका अनुसार २०८३ वैशाख ११ गते दिउँसो करिब ३:५० बजे पोखरा महानगरपालिका ११ फूलबारी क्षेत्रमा लागूऔषध कारोबार भइरहेको सूचनाको आधारमा खटिएको टोलीले अनुसन्धान गर्दा एक महिलालाई पक्राउ गरेको हो।
पक्राउ परेकी २७ वर्षीया महिलाको डेराबाट खानतलासी गर्दा ब्राउन सुगर जस्तो देखिने पदार्थ डिजिटल तराजुमा तौल गर्दा १०२.३७ ग्राम फेला परेको प्रहरीले जनाएको छ। साथै डिजिटल तराजु १ थान, नगद रु. ९ लाख र मोबाइल फोन १ थान समेत बरामद गरिएको छ।
घटनाबारे थप अनुसन्धान भइरहेको जिल्ला प्रहरी कार्यालय कास्कीले जानकारी दिएको छ।
