पोखरा।
पोखराका फोटो पत्रकार सुदर्शन रञ्जित लाई एनओसी उत्कृष्ट क्यामेरापर्सन अवार्ड २०२६ प्रदान गरिएको छ। अन्तर्राष्ट्रिय ओलम्पिक दिवसको अवसरमा मंगलबार काठमाडौंमा आयोजित कार्यक्रममा उनलाई उक्त अवार्ड प्रदान गरिएको हो।
कार्यक्रममा रञ्जितलाई नगद ५० हजार रुपैयाँसहित अवार्डद्वारा सम्मान गरिएको थियो। समर्पणको सम्मान, उत्कृष्टताको उत्सव भन्ने मूल नारासहित आयोजित कार्यक्रममा खेलकुद क्षेत्रका विशिष्ट व्यक्तित्वहरूलाई समेत सम्मान गरिएको थियो।
काठमाडौंको ठमेलस्थित होटल एलोफ्ट मा सम्पन्न कार्यक्रममा उत्कृष्ट खेलाडी (महिला तथा पुरुष), उत्कृष्ट खेल संघ, पत्रकारिता अवार्डअन्तर्गत छापा, भिडियो पत्रकारिता, अनलाइन मिडिया तथा उत्कृष्ट क्यामेरापर्सनसहित विभिन्न विधाका खेलाडी र प्रशिक्षकलाई सम्मान गरिएको थियो।
