पोखरा तनहुँमा रोकी राखेको बसलाई कारले ठक्कर दिँदा ३ जना घाइते भएका छन् । शनिबार बिहान पृथ्वी राजमार्ग अन्तर्गत तनहुँको म्याग्दे गाउँपालिका–१ गुणादीमा दुर्घटना भएको छ । पोखराबाट दमौलीतर्फ गइरहेको ना ५ ख ५३५९ नम्बरको बसको पछाडिको भागमा सोही दिशाबाट आइरहेको बाग्मती बि एसी ५७४० नम्बरको कार ठोक्किएको हो ।
दुर्घटनामा कार चालक कास्कीको पोखरा महानगरपालिका–२५ का ३१ वर्षीय विकास त्रिपाठीसँगै सवार पोखरा–१६ का ३२ वर्षीय विकास बानियाँ र पोखरा–१९ का ३१ वर्षीय सञ्जीव भण्डारी घाइते भएको जिल्ला प्रहरी कार्यालय तनहुँले जानकारी दिएका छन् । घाइतेको रत्नहरि मेमोरियल अस्पताल दमौलीमा उपचार भइरहेको प्रहरीले बताए ।
