[adrotate banner=”6″]
संयुक्त राष्ट्रसंघका महासचिव एन्टोनियो गुटेरेसले सिरियाको दमास्कसमा रहेको इरानी कुटनीतिक परिसरमा सोमवार भएको आक्रमणको निन्दा गर्नुभएको छ । महासचिवले दमास्कसमा इस्लामिक गणतन्त्र इरानको कुटनीतिक परिसरमा भएको आक्रमणको निन्दा र मृत्यु भएकोप्रति शोक व्यक्त गर्नुभएको हो । उहाँले कुटनीतिक सिद्धान्तलाई सबै अवस्थामा सम्मान गरिनुपर्ने बताउनु भयो ।े सबै पक्षहरूलाई लागू हुने अन्तर्राष्ट्रिय मानवीय कानून लगायत अन्तर्राष्ट्रिय कानून अन्तर्गत आफ्ना सबै दायित्वहरूको सम्मान गर्न पनि ध्यानाकर्षण गराउनु भयो । उहाँले थप संयमता अपनाउन र थप द्वन्द्वबाट बच्न सबै सरोकारवालाहरूलाई आह्वान गर्नुभयो ।
इजरायलले सोमवार दमास्कसस्थित इरानी दुतावासको वाणिज्य दुतावासको भवनमा मिसाइल आक्रमण गरेको थियो । जसमा सात अधिकारीको मृत्यु भएको थियो ।
[adrotate banner=”3″]
[adrotate banner=”4″]
[adrotate banner=”5″]
