[adrotate banner =”6″]
उज्वेकिस्तानको अर्थतन्त्र हालैका वर्षहरूमा बढेको छ । गत वर्षको तुलनामा विदेशी लगानी झन्डै दोब्बर भएको राष्ट्रपति शावकट मिर्जियोयेभले बताउनु भयो । उज्वेकिस्तानको राजधानीमा आयोजित तेस्रो तास्कन्द अन्तर्राष्ट्रिय लगानी मञ्चमा आफ्नो उद्घाटन भाषणमा मिर्जियोयेभले आफ्नो देशले आर्थिक उदारीकरण, लगानीको अनुकुल वातावरण र उद्यमीहरूका लागि प्रणालीगत सुधारका कारण सफलता पाएको बताउनु भयो । गत वर्ष मात्रै वृद्धिदर ६ प्रतिशत पुगेको मुद्रास्फीति ९ प्रतिशतभन्दा तल रहेको छ । व्यापार कारोबार निरन्तर बढिरहेको छ । राष्ट्रिय मुद्रा र विदेशी विनिमय सञ्चितिको स्थायित्व कायम भइरहेको उहाँले बताउनु भयो । विगतका वर्षहरूमा मुलुकले ६० अर्ब अमेरिकी डलरभन्दा बढी विदेशी लगानी आकर्षित गरेको र अन्तर्राष्ट्रिय वित्तीय संस्थाहरूबाट सामाजिक तथा पूर्वाधार निर्माणका लागि १४ अर्ब डलरभन्दा बढी रकम विनियोजन गरिएको पनि उहाँले बताउनु भयो । मिर्जियोयेभले उज्वेकिस्तानले तीन वर्षको अवधिको लागि विदेशी लगानीकर्ताहरूलाई शेयरबाट प्राप्त हुने लाभांशमा करबाट छुटसहित अन्य प्राथमिकता क्षेत्रहरूमा उद्यमशीलता र व्यवसायलाई समर्थन गर्न विशेष उपायहरूको श्रृंखला विकास गरेको बताउनु भयो । पहिलो तास्कन्द अन्तर्राष्ट्रिय लगानी मञ्च २०२२ मा भएको थियो । यस वर्षको कार्यक्रममा विश्वभरबाट २ हजार ५ भन्दा बढी व्यक्तिहरूले भाग लिने बताइएको छ ।
[adrotate banner=”3″]
[adrotate banner=”4″]
[adrotate banner=”5″]
