[adrotate banner= “3”]
उपप्रधानमन्त्री तथा शहरी विकासमन्त्री प्रकाशमान सिंह र नेपालका लागि भारतीय राजदुत नविन श्रीवास्तवबीच भेटवार्ता भएको छ ।
मन्त्री सिंहलाई भेट्न भारतीय राजदुत श्रीवास्तव मङ्गलवार सिंहदरबारस्थित शहरी विकास मन्त्रालयमा पुग्नुभएको थियो । मन्त्रालयमा भएको भेटवार्तामा उहाँहरुकाबीचमा नेपालको शहरी विकासको क्षेत्रमा भारतीय सरकारले गर्नसक्ने सहयोगको सम्बन्धमा कुराकानी भएको छ । भेटवार्ता पछि सञ्चारकर्मीहरुसँग कुराकानी गर्दै शहरी विकास मन्त्रालयका सचिव मणिराम गेलालले भारतको अनुदान सहयोगमा निर्माण भइरहेका नेपालका पुरातात्विक सम्पदाहरुको बारेमा समिक्षा भएको जानकारी दिनुभयो । भेटमा राजदुतले भारतको सहयोगमा विराटनगर, वीरगञ्ज, नेपालगञ्ज, भैरहवा, महेन्द्रनगरमा एकीकृत जाँच चौकी निर्माण भइरहेको र त्यसमा नेपालले आवश्यक पर्ने सामग्रीहरु उपलब्ध गराएको भन्दै सन्न्तोष व्यक्त गर्नुभएको उहाँले बताउनु भयो । त्यस्तै राजदुत श्रीवास्तवले भारतीय राजदुताबासबाट २० करोड रुपैयाँसम्मको लागतमा पूर्वाधार निर्माणको काम गर्न तयार रहेको कुरा राख्नुभएको पनि उहाँले जानकारी दिनुभयो ।
उहाँले भन्नुभयो – ‘भारतीय राजदुत महामहिम नविन श्रीवास्तवले उपप्रधानमन्त्री एवं शहरी विकास मन्त्रीज्युसँग मैत्रीपूर्ण भेट गर्नुभयो । भेट विशेषगरी उपप्रधानमन्त्रीज्यूको सफल कार्यकालको शुभकामनाको लागि थियो । बधाई र शुभकामना व्यक्त गर्नुभयो । र भारत सरकारले नेपालको शहरी विकासमा के–कस्तो सहयोग गर्न सक्ने सम्भावना छ ? हामी सहयोग गर्न तयार छौँ भन्ने कुरा उहाँले प्रतिवद्धता व्यक्त गर्नुभयो । र अहिले भारतीय सहयोगमा पुनःनिर्माणका केही काम भइरहेका छन् । बिहारहरु लगायत केही पुरातात्विक संरचनाहरुको मर्मत सम्भारमा भारतीय अनुदान प्राप्त भएको छ । त्यो बारेमा सामान्य समिक्षा ग¥यौँ । भारतको सहयोगमा बिराटनगर, वीरगञ्ज, नेपालगञ्ज, भैरहवा, महेन्द्रनगरमा एकीकृत जाँच चौकी निर्माण भइरहेको छ । त्यो पूर्ण रुपमा भारतीय सरकारको सहयोगमा बनेको हो । त्यसका लागि जग्गा उपलब्ध गराउने, सामग्रीहरु उपलब्ध गराउने काम शहरी विकास मन्त्रालयमार्फत भइरहेको थियो । त्यसमा उहाँले सन्तोष व्यक्त गर्नुभयो । भारतीय राजदुतावासबाट २० करोड सम्मको लागतमा साना साना पूर्वाधारको निर्माण कार्य गर्नलाई सहयोग प्राप्त हुन्छ, सबै जिल्लामा यो कार्यक्रम लागु गर्न सकिन्छ । त्यसका लागि संघीय मामिला तथा सामान्य प्रशासन मन्त्रालयबाट एउटा नयाँ कार्यविधि पास भएको छ । त्यो कार्यविधि अनुसार कस्तो कस्तो आयोजनाहरु लिने ? त्यसमा कुन पार्टीको के भुमिका हुन्छ भन्ने कुरा व्यवस्था गरिएको छ । त्यो अन्तर्गतक केही काम गर्न हामी तयार छौँ भन्ने कुरा उहाँले व्यक्त गर्नुभयो । फोहोरमैला व्यवस्थापन, नदीनालाहरुको प्रदुषणलाई नियन्त्रण गर्ने काममा पनि सहकार्य गर्न सक्छौँ मिलेर काम गरौँ भन्ने कुरा राख्नुभयो । सस्टेनेवल अर्वान डेभलपमेन्टको लागि नेपाल र भारतका बिचमा सहमती गर्ने एमओयु गर्ने । हस्ताक्षर गरेर काम गर्ने भनेको । सहमतीका लागि अर्थ मन्त्रालय पठाएका छौँ । सौहार्दपूर्ण कुराकानी भयो ।’
भेटवार्तका क्रममा फोहोरमैला व्यवस्थापनका काममा पनि नेपाल–भारतका बीचमा सहकार्य गर्ने सहमती भएको उहाँले बताउनु भयो । सचिव गेलालले सौहार्दपूर्ण रुपमा कुराकानी भएको बताउनु भयो ।
[adrotate banner= “4”]
[adrotate banner= “5”]
[adrotate banner= “6”]
