[adrotate banner= “3”]
संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले आफूले स्वार्थ समूहहरुसँग कुनैपनि खालको सम्झौता नगर्ने बताउनुभएको छ ।
मन्त्री पाण्डेले काम गर्ने क्रममा स्वार्थ समूहका मतियार र विचौलियाहरु बलशाली देखेको उल्लेख गर्दै उनीहरुसँग कुनैपनि सम्झौता नगरी अघि बढ्ने बताउनुभएको हो । मन्त्री पाण्डेले स्वार्थ समूहहरुकै कारण आफूमाथि पनि करोडौँ घुस खाएको अफवाह फैल्याउने काम गरेको भन्दै आक्रोश व्यक्त गर्नुभयो । आफूले निष्ठाको राजनीति गरिरहेको र मन्त्रीको रुपमा कौडी पनि दुरुपयोग नगर्ने उहाँको भनाई थियो । मंगलवार काठमाडौंमा आयोजित एक कार्यक्रममा बोल्दै उहाँले आफूलाई मानमर्दन गराउने गरी घुस खाएको आरोप लगाउनेहरुसँग प्रतिवाद गर्दै अघि बढ्ने पनि बताउनु भयो ।
मन्त्री पाण्डेले भन्नुभयो, ‘पहिले राजनीतिक व्यक्तिहरु शक्तिशाली हुनुहुन्थ्यो, अहिले स्वार्थ समूहहरु शक्तिशाली भएको मैले देखिराखेको छु । स्वार्थ समूहका मतियारहरु, विचौलियाहरु बलिया भएको देखिरहेको छु । मैले ३÷४ महिनाको यो कामको अनुभवमा निष्ठापूर्वक काम गरिरहँदा केही स्वार्थ समूहका मतियारहरुले मलाई मानमर्दन गर्नेगरी, मेरो मनोबल र आत्मविश्वासलाई गिराउने गरी केही प्रचारबाजी गरेको देखेको छु । म यो राष्ट्रदेव पशुपतिनाथको अगाडि उभिएर म के कसम खान सक्छु भने कुनैपनि नाममा मैले मन्त्री भएर घुस खाएको सुन्नुप¥यो । अथवा घुस खाएको देख्नुप¥यो भने मेरो त्यहीबेला नाश होस भन्ने त्यो संकल्प म यो राष्ट्रदेव पशुपतिनाथको अगाडि उभिएर म गर्न सक्छु । त्यो आत्माविश्वासका साथ म राजनीतिमा आएको छु । करोड खाएको कुरा केही अनलाइनहरुलाई प्रयोग गरेर केही विचौलियाका मतियारहरुले प्रचार गरेका छन । करोड होइन कौडी खाएको दिन म पशुपतिनाथको ढोकामा आएर आत्महत्या गर्न, त्यो आत्मविश्वास र प्रतिज्ञासँग राजनीतिमा आएको मानिस हुँ । र म यो पनि आग्रह गर्न चाहन्छु–म स्वार्थ समूहको मतियारहरुसँग, बिचौलियासँग कदापि सम्झौता गर्ने छैन । म देशको हितको निम्ति, राष्ट्रको हितको निम्ति, हाम्रो आफ्नो हितको निम्ति जस्तोसुकै कठोर कदम चाल्न, त्यस्ता मतियारहरुसँग लडन, भिडन, जस्तोसुकै प्रतिवाद गर्न पनि त्यो आत्मविश्वास पनि मसँग छ । म त्यो पनि यहाँहरुको बीचमा विश्वास दिलाउन चाहन्छु । म तीनधारा संस्कृत छात्राबासमा पढेको मानिस । म यस्तै परम्पराबाट हुर्केको मानिस । मैले राजनीतिलाई सेवाको रुपमा बाहेक, राष्ट्रलाई योगदान दिने भुमिका बाहेक अन्य रुपमा बुझेको छैन । अघि यहाँ गुरुले भनेर जानु भयो । राजनीतिक विकृति र विसंगतितिर गएको छ । त्यो सत्य हो । तर राजनीति भित्र सबै विकृत छन भन्ने कुरा त्यो पनि गलत हो । हामीले अफवाहका भरमा, हल्लाका भरमा केही कुरा पनि बोल्न हुन्न । कुन व्यक्तिले राजनीतिलाई दुरुपयोग गरिरहेको छ, कुन व्यक्तिले राजनीतिलाई निष्ठापूर्वक अवलम्वन गरिरहेको छ ? म आत्मविश्वासका साथ के भन्नसक्छु भने म स्ववियु सभापति बाल्मिकी क्याम्पसको हुँदाको मेरो जीवनशैली भन्दा रत्तिभर ममा परिवर्तन भएको छ, राजनीतिलाई दुरुपयोग गरेर मैले रत्तिभर आफ्नो जीवनशैलीलाई माथि उठाएको छु भने म माथि प्रश्न गरियोस् । म खुला कितावजस्तै प्रश्तुत हुन तयार छु । होइन भने मैले हाम्रो देशको समस्या के देखेँ भने राम्रो गर्न खोज्ने मानिसलाई पनि आरोप लगाई दिने । अनि नराम्रो गरिरहेका मान्छेहरुले राम्रो गर्न खोज्ने मानिसहरुलाई आरोप लगाईरहेको देख्दा उनीहरु आनन्द मान्छन् । किनभने उनीहरुले नराम्रो गरिरहेका हुन्छन् । उनीहरुको नराम्रो कुराको ढाकछोप गर्ने त्यो एउटा माध्यम बन्न जाँदोरहेछ । त्यसकारण हामीले राजनीतिलाई सुधारको बाटोमा लिएर जानुपर्नेछ । संगतिको दिशामा लिएर जानुपर्नेछ । असल संस्कृतिको दिशामा लिएर जानुपर्नेछ । त्यसका निम्ति हाम्रा निकायहरु, हाम्रो मन्त्रालय, यस अन्तर्गत धेरै निकायहरु छन । मैले पशुपति क्षेत्र विकास कोषको बैठकमा आएर कुरा राख्दा भनेको थिए–अरुलाई देशको कानून लाग्छ । तर जसले पशुपति क्षेत्र विकास कोषको हामी काम गरिरहेका छौं । हामीलाई देशको मात्रै होइन, भगवानको कानून पनि लाग्छ । पशुपतिनाथको ढोकामा गएर मलाई आर्शिवाद दिनुहोस भन्दै गर्दा सत्कर्मको कुरा गर्दैगर्दा यति कुकर्म ग¥यौ भने अरुलाई देशको कानून र अख्तियार मात्रै लाग्ला । तर पशुपति क्षेत्र विकास कोषमा काम गर्नेलाई अथवा म संस्कृति मन्त्रीलाई पशुपति नाथको कानून पनि लाग्छ । त्यसैले मैले राम्रो गर्दैछु भने मलाई पशुपतिनाथको आर्शिवाद लागिरहन्छ । मैले राम्रो गरेको छैन भने पशुपतिनाथको सजाय पनि मैले भोग्नुपर्छ ।’
त्यस अवसरमा मन्त्री पाण्डेले राजनीतिमा सबै गलत हुन्छन् भन्ने सत्य नभएको पनि दोहो¥याउनु भयो ।
[adrotate banner= “4”]
[adrotate banner= “5”]
[adrotate banner= “6”]
