पोखरा । चीन भूकम्प नेटवर्क केन्द्रकाअनुसार गत हप्ता दक्षिणपश्चिम चीनको सिजाङ स्वायत्त क्षेत्रको डिङ्ग्री काउन्टीमा गएको ६दशमलव८ म्याग्निच्युडको भूकम्पपछि कुल तीन हजार छ सय १४ पराकम्प गएका छन् ।
धेरैजसो परकम्प ३ म्याग्निच्युडभन्दा कम थिए । ४दशमलव९ म्याग्निच्युडको एउटा र ५ म्याग्निच्युडको अर्को दुई शक्तिशाली परकम्प सोमवार राति आएका थिए ।
जसले काउन्टीमा केही घर भत्काएको बताइएको छ ।
जनवरी ७ मा विश्वको सर्वोच्च शिखर माउण्ट कोमोलाङ्माको उत्तरी आधार शिविरको घर डिङ्ग्रीमा ६दशमलव८ म्याग्निच्युडको भूकम्प गएको थियो । जसमा एक सय २६ जनाको मृत्यु भएको थियो ।
