पोखरा । पोखरा महानगरपालिका वडा नं १३ स्थित कोन सामुदायिक बचत तथा ऋण सहकारी संस्थाको अध्यक्षमा माधवप्रसाद सिग्देल निर्वाचित भएका छन् । सहकारीको २६औँ साधारणसभा तथा नवौँ अधिवेशनले सिग्देललाई सर्वसम्मत अध्यक्षमा निर्वाचित गरेको हो ।
यस्तै संस्थाको उपाध्यक्षमा शान्तकुमार श्रेष्ठ, सचिवमा सुरेन्द्रप्रसाद सिग्देल, कोषाध्यक्षमा जयप्रसाद सापकोटा र सहसचिवमा केदारराज सिग्देल छन् ।
यस्तै सञ्चालक सदस्यमा बजिरमान श्रेष्ठ, शारदा पराजुली, खड्कबहादुर गुरुङ र अम्बिका गुरुङ छन् ।
यसैगरी लेखा सुपरीवेक्षण समितिमा ज्ञानेन्द्रप्रसाद सिग्देल संयोजक, सदस्यमा इन्द्रप्रसाद भट्टराई र लक्ष्मी गुरुङ चयन भएको निर्वाचन समिति संयोजक तथा निर्वाचन अधिकृत दयाराम गौतमले जानकारी दिए ।
यसअघि कार्यक्रम उद्घाटन गर्दै सहकारी रजिष्ट्रारको कार्यालय गण्डकी प्रदेशका रजिष्ट्रार भेषराज रिजालले नियम र कानूनको पालना गरे कुनै पनि सहकारी कमजोर नहुने बताए ।
सहकारीका मानार्थ संरक्षक शरदकान्त सिग्देलले सहकारीमार्फत सहकार्य र एकतामा जोड दिँदै २५ वर्ष लामो इतिहासलाई जोगाउन सक्नुपर्ने बताए ।
साथै शेयर सदस्यका तर्फबाट किरण केसी र सत्यदेवी खनालले बोलेका थिए ।
कार्यक्रममा उत्कृष्ट शेयर सदस्य तारामती गुरुङ, विमला गुरुङका साथै सहकारीमा १५ वर्ष बढी सेवा गरेका सुपरभाइजर रुपा गुरुङ र वरिष्ठ सहायक मनबहादुर गुरुङलाई सम्मान गरिएको थियो ।
संस्थाका अध्यक्ष तीर्थबहादुर बस्नेतले अध्यक्षतामा भएको कार्यक्रममा सचिव शान्तकुमार श्रेष्ठ, कोषाध्यक्ष जयप्रसाद सापकोटा र लेखा सुपरीवेक्षण समितिका ज्ञानेन्द्रप्रसाद सिग्देलले आआफ्ना प्रतिवेदन पेस गरेका थिए ।
कार्यक्रममा उपाध्यक्ष माधवप्रसाद सिग्देलले स्वागत र शारदा पराजुलीले सहकारी सिद्धान्त वाचन गरेकी थिइन् ।
सहकारीको मंसिर मशान्तसम्ममा १८ करोड ९४ लाख १७ हजार सात सय रुपैयाँ कुल पुँजी छ ।
यस्तै तरलता ३१ प्रतिशत रहेको सहकारीका महाप्रबन्धक सुजता हमालले जानकारी दिइन् । सहकारीका सेयर सदस्य तीन हजार सात सय ९८ जना छन् ।
