पोखरा । नाइजेरियामा पेट्रोल ट्यांकर विस्फोटमा परी मृत्यु हुनेको संख्या ८६ पुगेको छ ।
६० हजार लिटर पेट्रोल बोकेको ट्यांकर शनिबार देशको मध्यभागमा सडकमा पल्टिएपछि विस्फोट भएको अधिकारीहरूले बताएका छन् ।
नाइजर राज्यको आपतकालीन व्यवस्थापन एजेन्सीका प्रवक्ता इब्राहिम औदु हुसेनीले ट्यांकर विस्फोटबाट मृत्यु हुनेको संख्या ८६ पुगेको बताए ।
शनिबार दिउँसो १२ बजेदेखि आज दिउँसो २ बजेसम्म ८६ जलेका शव भेटिएको बताए । सो दुर्घटनामा अन्य ५२ जना गम्भीर घाइते भएका छन् ।
