पोखरा । बुटवलबाट बागलुङ आउँदै गरेका एक यात्रुको गुडिरहेको हाइस गाडीमै मृत्यु भएको छ ।
मृत्यु हुनेमा बागलुङको बडीगाड गाउँपालिका वडा नं ५ का ३६ वर्षीय बुद्ध परियार छन् ।
शनिबार बुटवलबाट बागलुङ आउँदै गरेको लु१ज ३२५१ नम्बरको हाइसमा सवार परियार बेहोस भएका थिए ।
उनलाई उपचारका लागि सोही गाडीले नै जोहाङ प्राथमिक स्वास्थ्य केन्द्रमा पुर्याएको थियो ।
परियारलाई अस्पताल पुर्याउने वित्तिकै चिकित्सकले मृत घोषणा गरेको प्रहरीले जनाएको छ । उनाको शव स्वास्थ्य केन्द्रमै छ ।
गाडी र चालकलाई भने इलाका प्रहरी कार्यालय जोहाङले नियन्त्रणमा लिएको जनाएको छ ।
