पोखरा । पोखरा महानगरपालिका वडा नं १२ का वडाध्यक्ष सन्तोष बास्तोलाले देशमा व्यवहारिक शिक्षा अपरिहार्य भएको बताएका छन् ।
पोखरा महानगरपालिका वडा नं १२ भद्रकालीस्थित पोखरा युनाइटेड एकेडेमी सेकेण्डरी स्कुलको वार्षिक सांस्कृतिक भेला तथा पुरस्कार वितरण कार्यक्रम उद्घाटन गर्दै उनले यस्तो बताएका हुन् ।
उनले अझै पनि व्यवहारिक शिक्षातर्फ ध्यान दिन नसकिए बेरोजगारको संख्या घट्न नसक्ने स्पष्ट पारे ।बुद्ध देश नेपाल बुद्धि भएको देशको रुपमा पनि परिचित गराउनुपर्ने बताए ।
विश्व उच्च स्तरीय प्रविधिमा पुगिसक्दा पनि नेपाल अझै पनि ढुंगे युगमै रहेको अनुभूति भइरहेको जिकिर गर्दै उनले शिक्षा प्रणालीमा प्रविधिको विकास गर्नुपर्नेमा जोड दिए ।
अझै पनि विद्यार्थी र अभिभावकले शिक्षकलाई र शिक्षकले प्रणालीलाई द्वोष दिने गरिएको भन्दै उनले यस्तो अवस्थाले नेपालको शिक्षा प्रणाली कहाँ छ स्पष्ट हुने बताए ।
पोखरा १२ का केही विद्यालयमा संस्कारयुक्त शिक्षा लागू भइसकेको भन्दै उनले सबै विद्यालयमा संस्कारयुक्त शिक्षा लागू गर्ने प्रयास भइरहेकोे स्पष्ट पारे ।
