पोखरा । हिसान गण्डकीको तेस्रो प्रदेशस्तरीय हिसान प्लस टू तथा कलेज फुटसल प्रतियोगिता पोखरामा जारी छ ।
विद्यालयतर्फ सगरमाथा, कास्की मोर्डनाइज्ड, गुरुकुल विद्यासदन र अरनिको बोर्डिङ स्कुल तनहुँ विजयी भइ अन्तिम चारमा प्रवेश गरेका छन् ।
सोमबारको खेलमा सगरमाथा सेकेन्डरी स्कुलले बाग्लुङको चिल्ड्रेन लाइभ इङ्लिस स्कुललाई ५-४ गोल अन्तरले हराएको हो ।
यस्तै कास्की मोर्डनाइज्ड एकेडेमीले टप्स बोर्डिङ स्कूललाई हराएको छ । निरधारीत समयमा एक÷एक गोल भएपछि खेल ट्राइबे्रकरमा पुगेको थियो ।
ट्राइब्रेकरमा कास्की मोडनाइजले टप्सलाई ४-१ गोलले हरायो । अर्को खेलमा गुरुकुल विद्यासदनले सूर्योदय इङलिस बोर्डिङ स्कुललाई ४-२ गोल अन्तरले हरायो ।
सोमबार नै भएको अर्को खेलमा अरनिको इङ्लिस बोर्डिङ स्कुल तनहुँले डाइमण्ड सेकेन्डरी स्कुललाई ३-० गोल अन्तरले हरायो ।
कलेजतर्फको फुटसलमा लाग्राण्डी इन्टरनेशनल कलेजले माउन्ट अन्नपूर्ण क्याम्पसलाई ३-१ गोल अन्तरले हरायो सेमिफाइनल प्रवेश गरेको छ ।
अर्को खेलमा इन्फोम्टिक्स कलेजले पोखरा लिकंन इन्टरनेशनल कलेजलाई ३-० गोल अन्तरले हराउँदै सेमिफाइनको यात्रा तय गरेको छ ।
यसैगरी पोखरा कलेज अफ म्यानेजम्यान्टले सोच कलेज अफ आइटीलाई ४-३ गोल अन्तरले हराउँदा इन्फोम्याक्स कलेज अफ आइटी एण्ड म्यानेजम्यान्टले लेकसिटी कलेज एण्ड रिसर्च सेन्टरलाई ४-३ गोल अन्तरले नै हराउँदै सेमिफाइनल प्रवेश गरेका छन् ।
