पोखरा । नेपाल कम्युनिष्ट पार्टी (एमाले) कास्कीले जिल्ला स्तरीय अभिमुखीकरण आयोजना गरेको छ ।
वडा केन्द्रित पार्टी निर्माण अभियान १०८१ अन्तर्गत अभिमुखीकरण आयोजना गरिएको पार्टी अध्यक्ष बैनबहादुर क्षेत्रीले जानकारी दिए ।
कार्यक्रम यही फागुन ९ गते शुक्रबार बिहान ११ बजेदेखि पोखरा सभागृहमा हुनेछ ।
कार्यक्रमलाई एमाले महासचिव शंकर पोखरेल, उपमहासचिव एवं सरकारका प्रवक्ता सूचना, प्रविधि तथा सञ्चारमन्त्री पृथ्वीसुब्बा गुरुङ, पार्टी सचिव पद्मा अर्याल, स्थायी कमिटी सदस्यद्वय खगराज अधिकारी, किरण गुरुङलगायतले संवोधन गर्नेछन् ।
कार्यक्रममा पार्टीका सबै नेता कार्यकर्ता सहभागी हुन सक्ने अध्यक्ष क्षेत्रीले जानकारी दिए ।
कार्यक्रमको तयारी तीव्र बनाइएको जिल्ला सदस्य विरबहादुर थापाले जानकारी दिए ।
