पोखरा । हिसान गण्डकी प्रदेश स्तरीय फुटसलको उपाधि पोखराको गुरुकुल विद्या सदनले जितेको छ । कास्की मोर्डनाइज्ड एकेडेमीलाई २-१ गोल अन्तरले हराउँदै गुरुकुलले उपाधि जितेको हो ।
गुरुकुलको जितमा शुलभ थापा र सुमित मल्लले गोल गरे । कास्की मोर्डनाइज्डका लागि इशान्त पुनले एक गोल गरे । विजेता गुरुकुलले एक लाख र उपविजेता कास्की मोर्डनाइज्डले ५० हजार रुपैयाँ नगद पुरस्कार प्राप्त गरेको छ ।
प्रतियोगिताको उत्कृष्ट खेलाडी गुरुकुल विद्या सदनका सुमित मल्ल, हाइस्कोरर कास्की मोर्डनाइज्डका इशान्त पुन, उत्कृष्ट गोलरक्षक कास्की मोर्डनाइज्डकै कुशल गिरी बन्नका छन् ।
यता, कजेजतर्फ इन्फोम्याटिक्स कलेजले पोखरा कलेज अफ म्यानेजमेन्टलाई हराउँदै उपधि जितेको छ । इन्फोम्याटिक्सले पोखरा कलेज अफ म्यानेजमेन्टलाई ५-२ गोल अन्तरले हराएको हो ।
इन्फोम्याटिक्सका नारन पुन तीन, मन्दिप राजभण्डारी र निश्चिल घिमिरले एक-एक गोल गरे । पोखरा कलेज अफ म्यानेजमेन्टका लागि रमित गुरुङ र कुशल खड्काले एक-एक गोलको योगदान दिए ।
उपाधि विजेता इन्फोम्याटिक्सले २० हजार, उपविजेता पोखरा कलेज अफ म्यानेजमेन्टले १० हजार रुपैयाँ नगद पुरस्कार प्राप्त गरेको छ ।
प्रथम पुरस्कार पोखराको युआरएल र दोस्रो पुरस्कार हिसान कास्कीले प्रायोजन गरेको हो । प्रतियोगिताको व्यवस्थापन सबिन मेमोरीयल फुटबल क्बलले गरेको हो ।
विजयी खेलाडीलाई गण्डकी प्रदेश खेलकुद समितिका उपाध्यक्ष धोजकुमार गुरुङ, हिसानका केन्द्रीय उपाध्यक्ष बाबुराम पन्त, हिसान गण्डकीका संस्थापका अध्यक्ष रमाकान्त बराल, हिसान गण्डकी अध्यक्ष डा रामजी शर्मा, हिसान कास्कीका अध्यक्ष दिवाकर जैशी, हिसान गण्डकी कोषाध्यक्ष टुवराज बास्तोला, सचिव डिल्लीराम अधिकारी, युआरएलका अध्यक्ष ठाकुर पन्त, प्रवन्धक गणेश कोइराला, सबिन मेमोरीयल फुटबल क्लब अध्यक्ष संजय लिगल, सल्लाहकार सन्तोष पराजुलीलगायतले पुरस्कार वितरण गरेका थिए ।
