पोखरा । पोखरा महानगरपालिका वडा नं ९ नयाँबजारस्थित गण्डकी मेडिकल कलेज (जीएमसी) को अगाडिको सडकमा जेव्राक्रसिङ राखिएको छ ।
यसअघि जेब्राक्रस जेब्राक्रसिङको अभावमा दुर्घटनाको जोखिम बढेको थियो । यस विषयमा नीति प्रेसडटकाले समाचार सम्प्रेषण गरेको थियो भने
यस विषयलाई नेपाल पत्रकार महासंघ गण्डकी प्रदेशकी महासचिव जमुना शर्मा वर्षाले सामाजिक सञ्जालमार्फत उठान गरेकी थिइन् ।
नीतिप्रेस डटकमसँगको जिल्ला ट्राफिक प्रहरी कार्यालय कास्कीले जेब्राक्रसिङ राख्ने विषयमा पहल भइरहेको बताएको थियो भने सडक डिभिजन कार्यालय पोखराका सूचना अधिकारी ई. ध्रुव पोखरेलले जेब्राक्रसिङ राख्न कुनै कठिनाई नहुने बताएका थिए ।
अस्पताल अगाडि औषधि पसलहरु छन् । अस्पतालबाट मागिएका औषधि किन्न दैनिक सैयौँ नागरिक सडक वारपार गर्थे। ती नागरिकलाई जोखिम मोलेरै सडक पार गर्नुपर्ने अवस्था रहेकामा अब जोखिम कम हुने पक्का भएको छ ।
केहीअघि त्यहाँ ५० मिटरको फरकमा जेव्राक्रसिङ थिए । सडकमा अस्फाल्ट प्रविधिबाट सडक पिच भएसँगै जेब्राक्रसिङ हटेको थियो । जेब्राक्रसिङ हटेको लामो समयसम्म पनि जेब्राक्रसिङमा कतैबाट ध्यान दिइएको नपाइएको यसअघि नीतिप्रेसले समाचारमार्फत उठान गरेको थियो ।
जिल्ला प्रहरी कार्यालय कास्कीका प्रमुख प्रहरी उपरीक्षक (एसपी) श्यामबाबु ओलियाले सो स्थानमा आवश्यकता भएर नै जेब्राक्रस राखिएको बताए ।
नीतिप्रेससँग कुरा गर्दै एसपी ओलियाले भने, ‘केही अघि दुई,तीन वटा जेब्राक्रसिङ हुँदा विवाद भएको रहेछ, पछि एउटा पनि नहुँदा दुर्घटनाको जोखिम थियो, त्यसैलाई ध्यानमा राख्दै फेरि जेब्राक्रसिङ बनाइएको छ, अब नागरिकलाई सहज हुन्छ ।’
