पोखरा । पोखरामा ‘यामाहा मेघा एक्सचेन्ज’ अफर शुरु भएको छ । यामाहाको पोखराका लागि आधिकारिक डिलर पोखरा-१० अमरसिंहचोकस्थित भिएडब्लु इन्टरप्राइजेजले अमरसिंहचौरमा मेघा एक्सचेञ्ज शुरु गरेको हो ।
यामाहा ब्राण्डका मोटरसाइकल तथा स्कुटरका ग्राहकको चाहना र मागलाई मध्यनजर गरेर मेघा एक्सचेञ्ज अफर गरिएको भिएडब्लु इन्टरप्राईजेजका महाप्रबन्धक सरोज श्रेष्ठले जानकारी दिए ।
आइतबारदेखि शुरु भएको मेघा एक्सचेञ्ज अफर चैत २२ गतेसम्म जारी रहने उनले बताए । मेघा एक्सचेञ्जमा ग्राहकले रोमाञ्चक डिल र छुट प्राप्त गर्न सक्ने श्रेष्ठको भनाइ छ ।
उनका अनुसार एक्सचेञ्ज अफरमा विशेष छुटअन्तर्गत नयाँ मोटरसाइकलमा नगद छ हजार र पूराना मोटरसाइकलको मूल्याङ्कनमा थप १० हजारसम्म अतिरिक्त मूल्याङ्कन ग्राहकले प्राप्त गर्नेछन् ।
साथै हेल्मेट, लेगगार्ड, फुट म्याट, बाइक कभर र ब्याग जस्ता सामान पनि निःशुल्क प्रदान गरिने उनले जानकारी दिए ।
मेघा एक्सचेञ्जमा ग्राहकले आफ्नो पूरानो मोटरसाइकल र स्कुटरलाई ब्रान्ड न्यू यामाहा दुई पाङ्ग्रे सवारी साधनसँग साट्न सक्ने उनले बताए ।
श्रेष्ठले भने,‘मेघा एक्सचेञ्जले अब आफ्नो दुई पाङ्ग्रे सवारीको अपग्रेड गर्न पहिलेभन्दा झन् सजिलो र फाइदाजनक बनायो ।’
एक्सचेञ्ज अफर कार्यक्रमअन्तर्गत यामाहा एफजेड, यामाहा रे-जेड सिरिज, यामाहा एफजेड सिरिज, यामाहा एमटी, यामाहा आरवान फाइभ, यामाहा टिवाईएफ एईरोक्सलगायतका मोटरसाइकल तथा स्कुटरमा विशेष अफर उपलब्ध हुने श्रेष्ठले बताए ।
उनले भने,‘ हाम्रो उद्देश्य ग्राहकलाई उत्कृष्ट उत्पादन र सेवा प्रदान गर्नु हो, यामाहा मेगा एक्सचेन्ज कार्यक्रम ग्राहकका लागि यामाहा मोटरसाइकलमा अपग्रेड गर्ने उत्कृष्ट अवसर हो, जसले सजिलो र लाभदायक किनमेल अनुभव प्रदान गर्दछ ।’
