पोखरा,नेकपा एकीकृत समाजवादी पोखरा महानगर कमिटीले राजतन्त्रको विरुद्धमा र गणतन्त्रको पक्षमा चैत २९ गते पोखरामा जनप्रदर्शन एवम मोटरसाइकल र्याली गर्ने भएको छ।
नेकपा एस पोखरा महानगर कमिटिको चैत २२ गते बसेको निर्णय अनुसार उक्त कार्यक्रमको आयोजना गरेको थियो र तयारी स्वरुप चैत २५ गते तयारी बैठक पनि बसिसकेको छ।
नेकपा एकीकृत समाजवादीका पुर्व मन्त्री तथा केन्द्रिय कमिटी सदस्य क.तुल बहादुर गुरुङ्गको प्रमुख आतिथ्यतामा बसेको बैठकमा नेकपा एस केन्द्रिय कमिटी सदस्य शर्मिला पौडेल ,गण्डकी प्रदेश कमिटीका उपसचिब बिबेक भुजेल,कास्की जिल्ला अध्यक्ष खड्ग हमाल ,गण्डकी प्रदेश कमिटिका सचिवालय सदस्य,केदार न्यौपाने ,हेम कुमार श्रेष्ठ ,गण्डकी प्रदेश कमिटी सदस्यहरु किशोर तिमिल्सिना ,नारायण परियार,कास्की जिल्ला कमिटी उपाध्यक्ष पुर्ण लामा,पर्बत जिल्ला कमिटीका सचिब बिराज हमाल,जिल्ला कमिटी सदस्य लेखराज भण्डारी ,युवा संघ कास्कीका इन्चार्ज बिकास पहारी,युवा संघ कास्कीका अध्यक्ष मिलन जङ्ग कुवर,अनेरास्ववियू कास्की अध्यक्ष होम तामाङ लगायतका नेताहरुको उपस्थिति रहेको थियो।
बैठकमा बोल्दै उपसचिव भुजेलले भने, “अस्ताइसकेको घामझैं पुनः ल्याउन खोजिएको राजतन्त्रले जनताको पक्षमा कहिल्यै काम गरेन। जनताको अधिकार र हितको लागि गणतन्त्र नै एक मात्र विकल्प हो,” भन्दै गणतन्त्रप्रतिको प्रतिबद्धता दोहोर्याए।
बैठकमा सम्बोधन गर्दै प्रमुख अतिथि गुरुङले मरिसकेको राजतन्त्रको नाम लिएर उफ्रिनुको कुनै औचित्य नभएको र अराजक गतिविधि गर्ने,सामन्तबादी सोच बोकेर हिड्ने हरुका विरुद्ध डटेर प्रतिकार गर्न निर्देशन दिनुभएको थियो।
बैठकमा २९ गते हुने मोटरसाइकल र्याली लाई ब्यवस्थित र भब्य बनाउने भन्ने बिषयमा छलफल भएको थियो।
उक्त बैठकमा नेकपा एस गण्डकीको अधिबेशनबाट निर्बाचित भएका पदाधिकारि एवम सदस्यहरु लाई बधाइ ज्ञापन साथै रितेश सापकोटा र प्रविन थापा लाई महानगर कमिटिको सदस्यमा मनोनित पनि गरेको छ।
बैठकले २९ गते हुने र्यालीको ब्यवस्थापनको निम्ति महानगर कमिटीका उपसचिव दिपक सुबेदीको नेतृत्वमा समिती पनि गठन गरेको छ साथै रोडम्यापको निम्ति शालिकराम बरालको नेतृत्वमा समिती गठन गरेको छ।
नेकपा एस पोखरा महानगर कमिटीका अध्यक्ष प्रेम थापाको अध्यक्षतामा बसेको बैठकको संचालन कमिटीका सचिब सुरज अधिकारी “बज्र”ले गरेका थिए।
