पोखरा । नेपाली बजारमा आज पनि सुन चाँदीको भाउ घटेको छ । आज बिहीबार सुनको भाउ तोलामा एक हजार पाँच सय र चाँदी तोलामा १० रुपैयाँ घटेको नेपाल सुनचाँदी व्यवसायी महासंघले जनाएको छ ।
सुनको भाउ मंगलबारको तुलनामा बुधबार पनि तोलामा एक हजार छ सय रुपैयाँ घटेको थियो ।
आइतबारदेखि घट्न थालेको सुनको भाउ आजसम्म पनि जारी छ । जस अनुसार सुनकाे भाउ आइतबार प्रतितोला एक लाख ९१ हजार आठ सय, सोमबार एक लाख ९१ हजार एक सय, मंगलबार ९० हजार नौ सय र बुधबार एक लाख ८९ हजार तीन सय रुपैयाँ रहेको थियो ।
मूल्य घटेसँगै आज छापावाला सुनको भाउ प्रतितोला एक लाख ८७ हजार आठ सय रुपैयाँ कायम भएको छ ।
सुनको भाउ बुधबार प्रतितोला एक लाख ८९ हजार तीन सय रुपैयाँ रहेको थियो ।
आज पोखरामा सुन प्रतितोला एक लाख ८८ हजार तीन सय रुपैयाँमा कारोबार भइरहेको नेपाल सुनचाँदी रत्न तथा आभूषण संघ कास्कीले जनाएको छ ।
यस्तै, आज असली चाँदी प्रतितोला एक हजार नौ सय ९५ रुपैयाँमा कारोबार भइरहेको छ । चाँदी बुधबार प्रतितोला दुई हजार पाँच रुपैयाँमा कारोबार भएको थियो ।
पोखरामा चाँदीको भाउ प्रतितोला दुई हजार २५ रुपैयाँ कायम भएको छ ।
