पोखरा । पोखरा महानगरपालिका वडा नं ७ मा पाँच वटा चौतारा निर्माण भएका छन् ।
पोखरा-७ को रत्नचोक, वाईचोक र मिलनटोलमा चौतारा निर्माण गरिएको हो ।
उक्त चौतारा मंगलबार एक कार्यक्रमका बीच उद्घाटन गरिएको छ ।
सो अवसरमा वृक्षरोपण समेत गरिएका वडासचिव राजेन्द्र पाण्डेले जानकारी दिए । वर, विपल, समी र असारेका बिरुवा रोपेर वृक्षरोपण गरिएको उनले बताए ।
वडाध्यक्ष राममोहन आचार्यको संयोजकत्वमा भएको वृक्षरोपणमा जनप्रतिनिधि, कर्मचारी, नगर प्रहरी र स्थानीयको सहभागिता थियो ।
कार्यक्रममा श्रमदानमार्फत विरुवा गोडमेल गर्ने सीताराम दाहाल र चौतारा निर्माणमा सघाउने जयबहादुर महतलाई सम्मान गरिएको थियो ।
उक्त अवसरमा वडाध्यक्ष आचार्यले सार्वजनिक जग्गा संरक्षण र पार्क व्यवस्थापन गर्नका लागि वृक्षरोपण गरिएको बताए ।
तस्बिरहरु
