पोखरा, कास्की । जिल्ला प्रहरी कार्यालय कास्कीले लागू औषध ब्राउनसुगरसहित दुई जनालाई पक्राउ गरेको छ।
मिति २०८२ साल कार्तिक १७ गते बिहान करिब ८:०० बजे पक्राउ परेका ती व्यक्तिहरूको साथबाट लागू औषध बरामद गरिएको प्रहरीले जनाएको छ। प्राप्त सूचनाका आधारमा जिल्ला प्रहरी कार्यालय कास्कीको लागू औषध नियन्त्रण ब्युरो शाखा र पोखरा क्षेत्रीय प्रहरी टोलीले संयुक्त रूपमा सञ्चालन गरेको विशेष अपरेशनका क्रममा उनीहरू पक्राउ परेका हुन्।
पक्राउ पर्नेमा पोखरा महानगरपालिका–३२ बस्ने ३१ वर्षीय हरिशंकर राय र ३५ वर्षीय मोहन राय रहेका छन्। उनीहरूलाई प्रहरीले पृथ्वीचोकस्थित दिशामा आउँदै गर्दा चेकजाँचका क्रममा नियन्त्रक टोलीले नियन्त्रणमा लिएको हो।
प्रहरीका अनुसार उनीहरूको साथबाट करिब ३.७० ग्राम र ०.१९ ग्राम ब्राउनसुगर जस्तो देखिने कालो पदार्थ फेला परेको छ। बरामद गरिएको पदार्थ परीक्षणका लागि प्रयोगशालामा पठाइएको छ।
पक्राउ परेकालाई आवश्यक अनुसन्धानका लागि जिल्ला अदालत कास्कीबाट म्याद थप गरी थप अनुसन्धान जारी राखिएको जिल्ला प्रहरी कार्यालय कास्कीले जनाएको छ।
