पोखरा ।
पोखराको माटेपानीस्थित हिल प्वाइन्ट सेकेन्डरी स्कुलमा एसईई कप भलिबल प्रतियोगिता सुरु भएको छ । गण्डकी प्रदेशका विभिन्न जिल्लाबाट एसईई दिएका विद्यार्थीहरूको उल्लेख्य सहभागिता रहेको प्रतियोगितामा पहिलो दिन ६ टोली दोस्रो चरणमा प्रवेश गरेका छन् ।
आयोजकका अनुसार प्रतियोगितामा कुल २४ टोली सहभागी छन् । उद्घाटनका दिन सोमबार ६ वटा प्रतिस्पर्धात्मक खेल सम्पन्न भए । आजका खेलहरूको नतिजाअनुसार पोखरा युनाइटेड (ब्लु), न्यु ग्यालेक्सी सेकेन्डरी स्कुल, भीमाद, एसएसवाइसी घर्मिङ, एनओ बिटी र शान्ता मावि दोस्रो चरणमा पुगेका छन् ।
प्रतियोगिताले विद्यार्थीहरूमा खेलकुदप्रतिको रुचि बढाउनुका साथै अनुशासन, सहकार्य र प्रतिस्पर्धात्मक भावना विकासमा टेवा पुग्ने अपेक्षा गरिएको छ । आयोजकले बाँकी खेलहरू मंगलबार सञ्चालन गरिने जनाएको छ ।
