पोखरा कलेज अफ म्यानेजमेन्टद्वारा आयोजित प्रथम अन्तर कलेज शिक्षक फुटसल प्रतियोगितामा न्यू ग्यालेक्सी प्रथम भएको छ। फिस्टेल एकेडेमीलाई ३-१ गोलले पराजित गर्दै न्यू ग्यालेक्सीले उपाधि जित्न सफल भएको हो।
यसअघि सम्पन्न सेमिफाइनलमा न्यू ग्यालेक्सीले आयोजक पीसीएमलाई ३-२ गोलले पराजित गरेको थियो भने फिस्टेल एकेडेमीले शीतलादेवीलाई ३-२ गोलले हराउँदै फाइनलमा स्थान बनाएको थियो।
प्रतियोगिताका विजेता तथा उपविजेता टोलीलाई नगदसहित पदक प्रदान गरिएको थियो। पोखरा कलेज अफ म्यानेजमेन्टका प्राचार्य लीना नेगी श्रेष्ठले एक समारोहबीच विजयी खेलाडीहरूलाई पुरस्कार वितरण गर्नुभएको थियो।
यसअघि कलेजले प्लस टुको परीक्षा सम्पन्न गरेका विद्यार्थीहरूका लागि फुटबल, बास्केटबल लगायत विभिन्न खेलकुद प्रतियोगिताहरू आयोजना गरेको थियो।
