[adrotate banner =”6″]
केन्याका राष्ट्रपति विलियम रुटोले वन्यजन्तुको आक्रमणबाट पीडितहरूलाई आफ्नो जीविकोपार्जन पुनर्निर्माण गर्न र उपचारका लागि मद्दत गर्नको लागि क्षतिपूर्ति योजना शुरु गर्नुभभएको छ । हात्ती, गैंडा र भैंसी लगायतका प्रतिष्ठित प्रजातिहरूको घर लाइकिपियाको उत्तरी केन्याली काउन्टीमा शुरु गरिएको मानव–वन्यजन्तु द्वन्द्व न्युनिकरण र क्षतिपूर्ति योजनाले स्थानीय समुदाय र जंगलमा जनावरह बीच सामञ्जस्यपूर्ण सहअस्तित्व बढाउने अपेक्षा गरिएको छ । उहाँले आफूहरुले ५३.८५ मिलियन अमेरिकी डलर लागतमा मानव–वन्यजन्तु द्वन्द्वका लगभग १७ हजार जना मूल्यांकन गरिएको बताउनु भयो । उहाँले वन्यजन्तुको आक्रमणमा परेका नागरिकलाई २३ हजार ५ सय ४३ डलरसम्म क्षतिपूर्ति दिने र सरकारले मानव–वन्यजन्तु द्वन्द्व कम गर्न विद्युतीय तार, समुदायमा आधारित वकालत र आधुनिक निगरानी प्रविधिमा लगानी गर्ने बताउनु भयो । मानव केन्द्रित वन्यजन्तु संरक्षणको हाम्रो प्रतिवद्धताको एक भागको रूपमा मानव–वन्यजन्तु द्वन्द्वका सबै पीडितहरूलाई क्षतिपूर्ति फास्ट ट्रयाकबाट दिने बताउनु भयो । क्षतिपूर्तिले चोटपटक, मृत्यु, बाली र सम्पतीको क्षतिलाई पूरा गर्ने बतउनु भयो ।
मानव–वन्यजन्तु द्वन्द्व न्युनिकरण गर्न रुटोले सरकारले खतरामा परेका प्रजातिहरूको संरक्षणका लागि समुदायहरूलाई प्रोत्साहन गर्नुका साथै देशव्यापी हटस्पटहरूमा ३५० किलोमिटर लामो विद्युतीय बारहरू खडा गर्ने बताउनु भयो । उहाँले आगामी दुई महिनाभित्र वन्यजन्तुको आक्रमणबाट पीडितका सात हजार दाबी सरकारले टुंगो लगाउने बताउनु भयो । पर्यटन र वन्यजन्तुका लागि क्याबिनेट सचिव अल्फ्रेड मुटुआले डिजिटल उपकरणको प्रयोगले वन्यजन्तु आक्रमणबाट पीडितहरूको पहिचान र क्षतिपूर्ति बढाएको छ । सरकारले लोपोन्मुख प्रजातिहरूको संरक्षण गर्न वन्यजन्तु अभयारण्य नजिकका समुदायहरूलाई प्रोत्साहित गर्न पानी प्यान, बोरहोल, र जलवायु–स्मार्ट खेती लगायतका जीविका परियोजनाहरूमा लगानी गर्नेछ ।
[adrotate banner =”3″]
[adrotate banner =”4″]
[adrotate banner =”5″]
