पोखरा,
दीर्घायु पोखरा हस्पिटल प्रा.लि. र श्री नमुना बहुउद्देश्यीय सहकारी संस्था लिमिटेड बीच सहकारीका ग्राहकलाई अस्पतालको सेवा सुविधामा विशेष छुट प्रदान गर्ने स्वास्थ्य सम्झौता भएको छ । द्विपक्ष सम्झैतामा दीर्घायु पोखरा हस्पिटल प्रा.लि. प्रबन्ध निर्देशक राधा कृष्ण पोखरेल तथा रिलेसनसिप म्यानेजर शालिग्राम गौतम श्री नमुना बहुउद्देश्यीय सहकारी संस्था लिमिटेडका अध्यक्ष भोजराज पौडेल तथा व्यवस्थापक शारदा अधिकारी ( भण्डारी )ले समझदारी ज्ञापनपत्रमा हस्ताक्षर गरेका हुन् ।
सम्झौता अनुसार श्री नमुना बहुउद्देश्यीय सहकारी संस्था लिमिटेड सहकारी संस्था लिमिटेडका सम्पूर्ण सदस्यहरू, कर्मचारीले दीर्घायु पोखरा हस्पिटल प्रा.लि. मा उपचार सेवा लिँदा अन्तरङ्ग तथा बहिरङ्ग सेवाः रेडियोलोजी, फार्मेसी, प्रयोगशाला शुल्क, शल्यक्रिया शुल्क र बेड शुल्क लगायतका सेवाहरूमा विशेष छुट प्राप्त गर्न सक्नेछन् ।
द्विपक्ष सम्झैतामा दीर्घायु पोखरा हस्पिटल प्रा.लि. का डा. मेघराज लामिछाने, रिलेसनसिप म्यानेजर शालिग्राम गौतम, लेखा प्रमुख रविन बास्तोला तथा मेट्रोन रिना लामिछाने र श्री नमुना बहुउद्देश्यीय सहकारी संस्था लिमिटेडका व्यवस्थापक शारदा अधिकारी (भण्डारी), रोशन भट्टराई, दिपेन्द्र पौडेल तथा नवराज पराजुली समेतको उपस्थिति रहेको थियो ।
