[adrotate banner =”3″]
उज्बेकका राष्ट्रपति शावकत मिर्जियोयेभ र राष्ट्रसंघका महासचिव एन्टोनियो गुटेर्रेसबीच शिष्टाचार भेटवार्ता भएको छ । भेटमा उज्बेक र राष्ट्रसंघमा सुधारका लागि सहयोग गर्ने विषयमा छलफल गर्नुभएको बताइएको छ । वर्तमान भ्रमण एन्टोनियो गुटेरेसको उज्बेकको दोस्रो भ्रमण हो । यसले उज्बेकिस्तान–२०३० रणनीतिको ढाँचाभित्र जारी अपरिवर्तनीय सुधारका लागि संयुक्त राष्ट्रसंघको पूर्ण समर्थनको प्रमाण दिने उज्वेकिस्तानले बताएको छ । वार्ताका क्रममा दुई नेताले विश्वव्यापी र क्षेत्रीय सुरक्षा, स्थायित्व र दिगो विकासको प्रवर्द्धनलगायतका विषयमा छलफल गर्नुभएको थियो । उज्वेकिस्तान र संयुक्त राष्ट्रसंघबीचको बहुआयामिक सहयोग विस्तारमा पनि ध्यान केन्द्रित भएको र दिगो विकास लक्ष्यहरू हासिल गर्ने उद्देश्यका साथ संयुक्त परियोजनाहरूको प्रगतिको समीक्षा गभएको बताइएको छ । दुवै नेताले समसामयिक राष्ट्रिय र क्षेत्रीय अवस्थाका बारेमा पनि विचार आदानप्रदान गर्नुभएको थियो । राष्ट्रपतिले अन्तर्राष्ट्रिय सुरक्षा र स्थायित्वको प्रवद्र्धन, संयुक्त राष्ट्र संघ र यसका प्रमुख अंगहरूको सुधार र यस वर्षको अन्त्यमा न्यूयोर्कमा भविष्यको शिखर सम्मेलन आयोजना गर्न महासचिवको पहलप्रति समर्थन व्यक्त गर्नुभयो । संयुक्त राष्ट्रसंघका अनुसार गुटेर्रेस हाल जुन २९ देखि जुलाई ७ सम्म मध्य एशियाली मुलुकको भ्रमणमा हुनुहुन्छ । भ्रमणको एक हिस्साका रूपमा उहाँ बिहीवार अस्तानामा हुने सांघाई सहयोग संगठनको शिखर सम्मेलनमा सहभागी हुनु हुनेछ । गुटेरेसले पछिल्लो पटक सन् २०१७ मा मध्य एशियाको भ्रमण गरेका थिए ।
[adrotate banner =”4″]
[adrotate banner =”5″]
[adrotate banner =”6″]
