पोखरा : गण्डकी प्रदेशलाई आफ्नो कार्यक्षेत्र बनाई महिला अधिकार, समाजसेवा, र पत्रकारितामा दुई दशकभन्दा बढी समय निःस्वार्थ रूपमा समर्पित सामाजिक अभियन्ता बिमला भण्डारीलाई नेपाल युवा परिषद्ले ‘नेशनल सोसल चेन्जमेकर अवार्ड’ प्रदान गरेको छ।
नेपाल पत्रकार महासंघ कास्कीका अध्यक्ष र गण्डकी प्रदेशकी पहिलो प्रेस रजिष्ट्रारका रूपमा रही समाजमा सकारात्मक परिवर्तन ल्याउन पुर्याएको योगदान अतुलनीय रहेको बताउँदै प्रमुख अतिथि , गण्डकी प्रदेशका मुख्यमन्त्री सुरेन्द्रराज पाण्डेले सम्मान अर्पण गरेका हुन् ।
समाज परिवर्तनका लागी क्षमतावान यूवाहरु सिस्टमबाट आएमा आफुले सहयोग गर्ने बताउदै यस्ता सम्मानले यूवाहरुलाई प्रोत्साहन थप्ने बताउँदै महिला अधिकार, मानव बेचबिखनविरुद्धको अभियान, र सामाजिक सेवामा उनले निर्वाह गरेको नेतृत्वदायी भूमिकाले गण्डकी प्रदेशको विकास र समृद्धिमा महत्वपूर्ण प्रभाव पारेको पाण्डेले उल्लेख गरे ।
कार्यक्रममा नेपाल युवा परिषद्का संस्थापक अध्यक्ष सरोज बानियाँले विमला भण्डारीको योगदानले लाखौं युवाहरूलाई प्रेरित गर्ने विश्वास व्यक्त गरे।
गण्डकी प्रदेशको राजधानी पोखरामा आयोजित यो सम्मान समारोहमा बिमला भण्डारीलाई गण्डकी प्रदेशलाई राष्ट्रिय र अन्तर्राष्ट्रिय रूपमा चिनाउन महत्वपूर्ण भूमिका खेल्ने व्यक्तिका रुपमा सम्मान पत्र प्रदान गरिएको थियो।
सम्मान पत्रमा उल्लेख गरिएझैं, विमला भण्डारीको पहलले युवाहरूलाई सकारात्मक परिवर्तनका लागि प्रेरित गर्न ठूलो योगदान पुर्याउनेछ।”आगामी दिनमा गण्डकी प्रदेशको प्रगतिका लागि तपाईंको योगदान अझै प्रभावकारी रहोस्,” सम्मान पत्रमा उल्लेख गरिएको
उक्त कार्यक्रममा आफ्नो संघर्षको अनुभव सुनाउँदै भण्डारीले जीवनमा निरन्तर संघर्ष गर्दा सफलता प्राप्त हुने भएकोले सकारात्मक कर्म गर्न थाक्न नहुने बताइन् ।
२०० भन्दा बढि यूवाहरुको सहभागीता रहेको उक्त यूवा सम्मेलनमा गण्डकीका ११ वटै जिल्लामा यूवाको प्रतिनिधित्व सहित उत्कृष्ट कार्य गरेका यूवाहरुलाई गण्डकी आईकन २०२४ ले सम्मान गरिएको छ ।
