पोखरा । आज बुधाष्टमी व्रत गर्ने दिन रहेको छ । बुधाष्टमी व्रतका दिन विशेषतः भगवान शिव पार्वतीको अर्चना गर्ने चलन रहेको छ । यस दिनको व्रतको विशेष महत्व रहेको छ ।
हिन्दू धर्म ग्रन्थमा उल्लेख भए अनुसार व्रत संस्कारमध्ये एक बुधाष्टमी शुक्ल अष्टमीमा पर्ने बुधबारका दिन पर्ने गर्दछ । यस दिन व्रत बस्नाले मृत्युपछि नर्क जानु नपर्ने मान्यता छ ।
आजका दिन बुध ग्रहसमक्ष भक्तहरुले आफ्ना भावना र कामना राख्ने चलन हुन्छ । यस अर्थमा पनि यो दिनलाई बुधाष्टमी भनिएको हो ।
यस दिन बुध ग्रहलाई विशेष नैवेद्य अर्पण गरिन्छ । साथै पूजा सकिएपछि मात्र यी नैवेद्यलगायत प्रसाद वितरण गर्न र भोजन गर्न दिइन्छ ।
यसका अलावा भगवान बुद्धको धातुमा अकिंत प्रतिमामा पनि अर्चना गर्ने चलन पनि आजका दिनमा पाइन्छ ।
बुद्धाष्ठमी व्रतका महिमा ब्रह्माण्ड पुराणमा पाइन्छ । बुध ग्रहको दोष भएका मानिसका लागि यस दिनको व्रतले विशेष फल दिने धार्मिक मान्यता छ ।
